احنا مهورنا 40 الف وبعضهم 50الف للقبيله كلها واذا غريب 70 الف مع اننا نادر مانزوج غربا ..

ونفس اختي الدنيا السراب عيب ابو العروس يطلب المهر .. ابو المعرس يكون عارف مهورنا
من قبل ويعطيه بدون طلب .. وطبعا نساعد يعني الفرح يكون علينا وعليهم

وتجهيزات البيت من مواعين المطبخ كااااامله وجهاز العروس على اهلها

واهل العريس يجيبون طبعا اغراض للعروس براحتهم مانحدد لهم مبلغ هم يجيبون براضهم وبكرمهم ..

واحنا اللي مهرها قليل اكثرنا كرامه واكثر وحده مدللها زوجها ,, لانها قدرته
والحمدلله العنوسه ماهي عندنا الا قليل جدااا وتكاد لاتذكر والطلاق قليل جداا والتعدد اقل واقل ثنين شياب بس معددين من زمان جدي ..


بالنسببه للعرس اهل العروس اذا حابين يصير زواج بنتهم فخم هم يدفعون الكماليات اهل العريس مالهم الا الذبايح والقاعه والفرقه والباقي على اهلها

والحمدلله شبابنا يتزوجون من 20 سنه الى 25 سنه مايعزفون عن الزواج ومبسوطين الحمدلله الله لايغير على مسلم

بالنسبه للسكن يستاجرون لهم شقه لحالهم وبكيفهم يبون قريبين من اهله او اهلها هاذي حريه شخصيه بس يسكنون مع اهله لاااااا
الا ذا كان الزوج مازال طالب والعرووس موافقه هاذي تصير غير كذا لا

عندنا عادات كثير ومنها اذا الزوج هان زوجته ماترجع الا برضوه ب10 الالاف .. والحمدلله كلن محترم زوجته وحاطها على راسه ونادرا ماتصير ..

حبيبتي المهر عمره ما كان مقياس لمقدار البنت عند اهلها لانها قطعه منهم
فلوس الدنيا كلها ماتعني في عينهم شيء اذا ما كانت سعيده هذي نظره الناس العاقله الحكيمه
اما الناس اللي نفوسهم مريضه فالله حسيبهم
الزواج مو كله فلوس او فرح او فستان او شهر عسل او شقه خاصه او حتى فيلا خاصه فيها
لان كل هذي الاشياء ممكن تتوفر و ببساطه او بصعوبه وفي الاخير ترجع بيت اهلها او تعيش وهي
متحسره على عمرها بس عشان مايخرب برستيجها اللي تعبت عليه راح تتحمل بلاوي زوجها

وممكن مايتوفر لها ولا شيء من احلامها لامهر غالي و لا فرح له وزنه ولاشقه ولا غيره وغيره
ومع ذلك تلاقيها عايشه ملكه على قلب زوجها وعلى قلوب اهله اللي خلفوه كمان

يعني ببساطه الزواج توفيق من رب العالمين وحده يجي بعده بذل اسباب الراحه والسعاده
وكل ما عاشت الوحده خايفه لربها ومتقيته في السر والعلن راضيه بنصيبها اللي تقدر عليها
سوى كان خير او شر كل ما كانت مرتاحه في حياتها

وبالنسبه لنا في الجنوب المهر في حدود الخمسين ممكن تزيد او تنقص عشره والذهب على
العريس والملكه على العروس والزواج مشترك النص بالنص في كل شيء والشقه على العريس
واذا حبت الزوجه تساعد في لوازم المطبخ او المفارش تساعد من مهرها واذا ماتبغى مو مجبوره
هذا في الغالب في الوقت الحالي وطبعا في اشياء تختلف بختلاف القبائل والعادات عندهم

والله اشوف دايم ان اللي مهرها قليل دايم مبارك واللي كثير العكس مايكفيها
والحمدلله ابوي ماعمره شرط مهر يقول اللي تقدرون عليه
لو هي على التقدير والحشمة مايكفيه لو يقول مليون
وأحيانا يرجع 20 الف من المهر للزوج علشان يقدر يأثث البيت او يسوي فيها اشياء ثانية


اهم شي الزوج الصالح الكفؤ هذا ينشرى بفلوس ...
ولاتحسبين ان زوجك راح يقدرك لان مهرك كبير لا
التقدير والاحترم مالهم علاقة اذا زوجك صالح واخلاق حتى لو مهرك ريال يحطك فوق راسه

ههه شكل بنات الحسا زعلوا :)

حتى لو فرضنا مهورهم 25 الف عاادي ومو عيب في حقهم ولا شيء

طيب انا مرة خطبني ولد عمي وابويه طلب منه بس 25 الف عشانو ولد اخوه

بس انا استخرت كثيير وماكنت احس نفسي مرتاااحة ورفضته

وعمري ما فكرت ولا خطر على بالي إن ابوية مسترخص فيني او انو عيب في حقي ولا شيء من الكلام الفاضي هذا

وقيمتي عند ابويه ما تتسعر بماااااال الدنيا

بس كثيير ناس عينهم فااارغة وهذا الشيء عييييب كبيير في حقهم


ام وجة السعد
عجبني ردك مرررة واتفق معاكي فكلامك :26: