السلام عليكم ورحمة الله وبركاته
اخواتي موضوعي للفضفضه واخذ ارائكم في الاشياء التي قد تحدث في خلال يومك :time:وهي لا تعد مشاكل ولكن تاثيرها على نفسك يكون بمثابة القشه التي قصمت ظهر البعير!!:44:
لاقرب لكم المعنى والمغزى من كلامي ساقول لكم ماحدث اليوم معي:mad:
طبعا انا اعاني هالفتره من ضغوطات وما احد خالي والحمدلله على كل حال:icon33:---المهم خلال يومي ايضا تعرضت لاكثر من موقف زادوني توتر ولكن احاول على قد المستطاع ان استعين بالله واتعوذ من الشيطان واجي على نفسي واعدي:44:---حتى تسير مركب الحياة--يعني صعبه لو الوحده توقف عند كل شي--علمتني الحياة ان اكون اكثر تحملا واعدي على قد مااقدر--:27:
المهم بعد صلاة العشاء طلعت مع عائلتي لمول وبعد ماتمشينا ونوينا نتعشى وقفت انا عند مطعم للوجبات السريعه وكان قدامه سرى وصف طويل المهم وقفت انا بالسرى(اي بالصف) واشوف اللي قدامي قاعده تقول لوحده جت وقفت بجانب اللي قدامها(وكما ظهر لي انهم قرايب اقصد اللي قدام قدامي) قالت لها لا مايصير توقفين هنا الرجال يقول وحده وحده تصف --فجوا اثنينهم طلعوا (اقصد اللي قدام اللي قدامي) وسمعتهم يقولون نطلع ناكل برى المول اخف من هنا وهذا ان دل على شي يدل على انهم مع بعض--المهم ماعلينا --نجي لصاحبتنا اللي قدامي يوم قرب دورها يجي الا وتجي وحدها تعرفها وتوقف جنبها وبدوا يسولفون وش ناكل ووش ناخذ(انا حسيت انها تبي تدخل اللي جنبها معاها(ولاحظوا انها هي نفسها رفضت تخلي اللي قدامها تدخل وحده معاها)المهم انا سكت(لان عندي مبدا ان الناس مو واحد ولا طريقة تربيتهم وتعاملهم وفهمهم للناس والتعامل مع الناس واحد فسكتت ماقلت شي)يوم وصل دورها طلبت وبعدين خلت قريبتها تطلب وانا ساااااكته وبعدين التفت على اللي وراي واقفه(اثاريها طلعت قريبتهم بعد)وقالت لها تعالي اطلبي معنى!!! وانا ساكته!!
قامت اللي وراي(طلعت محترمه وتعرف اداب النظام)وقالت لا حرام فيه وحده واقفه قدامي!!
قلت انا --ايوالله الله يجزاك خير
راحت اختنا في الله اللي قدامي انهبلت--لا ياحبيبتي لا تحسبين شي احنا عائله وحده علشان كذا طلبنا سوى
قلت ياحبيبتي المفروض اللي ماترضين غيرك يسويه انتي ماتسوينه!
وجا دوري وطلبت--وهي مازالت تلع لع(تلع لع يعني تتكلم كلام ماله داعي وبطريقه مستفزه) وترمي كلام قوييييييي لدرجة يعلم الله اني قمت ارجف--وبعدين قلت لها ماراح ارد عليكي اخلاقي ماتسمح لي---انهبلت زياده وقامت تقول- انا متربيه وبنت ناس واهلي مربييني احس تربيه مو زيك تعلين صوتك بالسوق!!(الحين انا ساااكته وهي تلع لع وطلعت انا اللي اعلي صوتي بالسوق!!) ووووو المهم لع لعت لين ماقالت بس وانا سااااكته ---وخلصت وراحت وخلصت وبعدين رحت:mad:
هذا ماحصل لي ---
اللي حبيت اقوله هالموقف عادي وعادي جدا ولكني اعترف انه قلب مزاجي 180 درجه واتنكدت واثر هالشي على اللي حولي كثير لانه كان بالنسبه لي اليوم القشه التي قصمت ظهر البعير!
واخيرا اخواتي اللي عندها طولة بال وقرات موضوعي وتحب تعلق--ارحب بتعليقها مهما كان ولكن ارجوا ان يكون في حدود الادب وعدم التجريح
وفي النهايه اشكر الكل--من مر على موضوعي وافادني برايه وتعليقه ومن مر ولم يعلق فانا احترم الجميع:39:
alhellwh @alhellwh
محررة
يلزم عليك تسجيل الدخول أولًا لكتابة تعليق.
alhellwh
•
هههههههه احلام@--- بدت تهون علي سالفتي--
بس من جد استغرب هالناس---وين الادب وين الاحترام وين الذوق!!
مرورك اسعدني--شكرا لك
بس من جد استغرب هالناس---وين الادب وين الاحترام وين الذوق!!
مرورك اسعدني--شكرا لك
الصفحة الأخيرة
صراحه افكر اقول لو طحت بشرانيه وش ارد عليها