مارضعت بنتي وندمانه مرره :(

حليبك نشف ؟ كم لها منقطعة عن الرضاعة الطبيعية ؟

بنتك لسه صغيره
في امل اذا الحليب موجود
شوفي مواضيع شروق الهتيمي
عن العوده بعد الانقطاع
خليها ترضع وحاولي كثير والاهم ماتملين

والتوتر دايم ينشف الحليب
خليك ريلاكس هذا رزقها من رب العالمين
لايجيك اكتئاب الولاده
الصحه من ربي في اطفال راضعين طبيعي يتعبون وفي اطفال راضعين صناعي صحتهم كويسه
الاهم الاهتمام بالغذاء
كلنا يالامهات ودنا رضاعه طبيعيه لكن كل وحده لها قدرات
وظروف وغيره
وكلها ارزاق من ربي حاولي انتي
وربي يساعدك

اول شي اكبر غلللط دخلتيلها صناعي
طبيعي راح تتعود عليييه لانه سهل المميه تنزل بسهوله غير عن صدرك يبيله جهد وطبيعي تفضل السهل
ولانه حليبك راح يقل يقل حتى لو دخلتي رضعه وحده صناعي


انصحك تردين حليبك لانه مافي افضللل منه
اشفطي كل ٣ ساعات وراح يرد باذن الله
وعبي حليبك بالمميه وختشرب
بس اهم شي كل ٣ ساعات تشفطين
والافضل تستخدمين الشفاطة الي فيها قمعين مزدوجين حق الصدرين (بهالطريقة راح يرسل اشارات للمخ انه عندك توأم ويحتاجون صدرين وراح يدرلك اكثر باذن الله تعالى)
واشتريلك الحماله تبع الشفاطة راح تريحك كثييير
واهتمي بأكلك واشرب ماي وسوائل كثير


وفي حبوب بالصيدلية بالحلبة مافيها ريحة ابدا
تساعد على زيادة الحليب وادراره

طيب يابنات حليبي نشف اشفطه لكن ينزل كم نقطه وهي اصلا رافضه صدري ماتبغى واذا مسكته تمص بسرعه تحسبه زي الرضاعه وترجع تتركه
تعبت منها والله وقلبي يعورني
صارلي شهر ونص منقطعه عن الرضاعه الطبيعيه