موضوعي عن ماركه كريولاين بالتفصيييييييييل بالصور الحصريه من المحل نفسه خخخ
حيااااااااااااااكم
ماركه كريولاين المانيه المنشأ واهي متخصصه في الميك اب المسرحي والتلفزيوني عشان جذي نلاقي كل منتجاتهم قويه وتدوم فترات طووويله واذكر دخلت محلهم الي بلندن ولقيت المحل مخصص بس للمكياج المسرحي يعني يفرق وااااااايد عن الي موجود بالخليج
الحلو في هالماركه ان الوانهم وااااضحه وثابته مثل هالصوره
مستحيييييييييييل ثم مستحييييييييل تلاقين اي ماركه ثانيه تعطيج هلنتيجه من حيث قوه الشدو
و عشان ماتضيعون معاي بالشرح قسمت لكم اغراضهم الي ::
• البيس + الفاونديشن + الكونسيلر
• المثبتات والفراشي
• مكياج العيون وينقسم إلى :
• الشدوات ( المائيه + العاديه او المضغوطه + الساتن + الكريميه )
• الارواج والبلشرات
ملاحظه مهمه جداً جداً جداً
:: فاونديشنات كريولاين كللللللها تعطي تغطيه قويه يعني حتى التغطيه المتوسطه مالتهم تعتبر تغطيه قويه لمن نقارنها بماركات ثانيه وانا مانصح بكريولاين للاستعمال اليومي بس للسهرات ويالله يالله اتبلعها ليش انها قويه والفنشنج مالها كثر ماهو حلو الا ان عيبه ثقيل ومايعطيج ناشرال لوك نفس ماك وميك اب فور ايفر . والعيب الثاني ان درجات الفاونديشن قليله يعني من النوع الواحد 7 درجات بس مثلاً انا مستحييل الاقي نفس لوني يا امه الفاونديشن اغمج او افتح من لون بشرتي وعشان جذي افضل ماك ليش ان عندهم ملييييييييييون درجه للفاونديشن ...
بسم الله بدييييييينا
البيس + الفاونديشن + الكونسيلر
1) البيس
وفي الوان وكل بشره ولها لونها ( موضوع يطول شرحه في موضوع اخر ****لله ) واذا بشرتج ماتعاني من عيوب اخذي الي لونه بيج
2) مات بيرفكت :: واايد حلو يمنع تدهن الويه الي شرحته من قبل وايد حلو واهو مثل الجل اول ماتحطينه
وبعد ثواني ينشف ويترك الجلد مات وناعم وجاهز للفاونديشن
3) بيس مرطب
واهو يصلح 2 في واحد يعني يصير تستخدمينه بروحه للدوام مثلن لانه خفيف ويرطب البشره في نفس الوقت او تستخدمينه كبيس قبل الفاونديشن
4) اساس سائل :: تغطيته بسيطه - حتى ميديم
طبقه وحده يعطيج تغطيه خفيفه ،، طبقتين يعطيج تغطيه وسط
5) الاساس المشهور :: الكيك
يستخدم بالماي ويعطي تغطيه وسط واهو مات ونصيحه اذا بشرتج جافه ابتعدي عنه لاان بيبين الجفاف الي ببشرتج
وفي منهم كذا درجه بس اكثر الدرجات الي موجوده بالخليج اهمه درجات W
6) الاساس السائل شمرنغ
من اسمه يترك اثر مخملي على البشره وايج درجات في البرونز وفي درجات معاها لمعات وانا واااايد امدحه للحفلات لاانه اكثر واحد من كل منتجات كريولاين يعطي تغطيه حلوه وبنفس الوقت طبيعي مو جنج لابسه قناع
7) الفاونديشن الكريمي
تغطيته وسط – فل كفرج جربته حلو بس لاااااااازم تحطون فوقه لوز باودر او كومباكت باودر ولا ويهج بتلاقينه يبرق ويلمع
8) اشهر الانواع وكل البنات يستخدمونه اهو السوبر كلر :
كريمي ويصير تحطينه بروحه او تحطينه فوقه لوز باودر اذا تبين اللوك مات وتغطيته واااايد حلوه وانا اعتبر تغطيته ثقيييله نوعا ما حلو ومناسب للحفلات والمناسبات والحلو ان له درجات وايد يعني مو مثل الكيك ايقيدج بس بسبع درجات
يتبـــــــــــــــــــــع
مثل ماتجوفون بس منه 5 درجات للاسف
وفي منه نوعين نوع يتم جلوسي والنوع الثاني بعد ثواني يقلب مات وتغطيته ممتازه مثل ماقلت للحفلات
10 ) اقوى الانواع تغطيه اهو الستك
وفي نوعين نوع خفيف اسمه الترا فاونديشن ستك ( تغطيته وسط – حتى فل كفرج )
النوع الثاني اقوى واهو التي في بينت ستك :: ويستخدم بالتلفزيون ويستخدمونه الماكيرات للعرايس وللمكياج القوي والثابت
ملاحظه :: لاحظت في بنات وايد عبالهم البينت ستك اهو كونسيلر و خافي عيوب وهالشي غلط اهو فاونديشن للويه مستحييييييل ثم مستحيل يكون كونسيلر اهو فاونديشن قوي ويخفي الندوب والسواد والحبوب لكن مايستخدم ككونسيلر
10) فاونديشن سائل بس علبته كبيره شوي يصلح لااستخدام الماكيرات ويستخدم للجسم والوجه
جوفو شلون ينحط على اي منطقه بالجسم ( حلو للحفلات )
****
صورة مخالفة
وللاسف مثل ماقلت من اهم عيوب كريولاين الدرجات اظن اهو متوفر ب5 درجات اذا ماخاب ظني
11) البودره المضغوطه ( الكومباكت باودر ) اسمها دول فينش
تغطيتها وسط تنحط بروحها او فوق فاونديشن السائل او الستك وترى تغطيتها تعتبر اقوى بواااايد من تغطيه ماك ستوديو فكس
يتبع