ماركة مكياجي

اختى انت من الكويت ؟ ليش تشترىن من برة و توصين وحدة تشتريلك مكياج؟ يمكن ماتعجبك الالوان ؟ بعدين ترمينهم ؟ الافضل انك تشترين من الكويت و تجربينة على وجهك فى اسعار غالية و فى اسعار و سط حسب ميزانيتك و اكدي اتعرفين سوق دبنهامز فية كل الماركات المعروفة انا احب انصحك انت مثل اختى :27: :26:

هلا والله اختي احلى انوار

انا عارفه ماشاء الله الكويت مليانه وعلى افا من يشيل مكياج

وتوني اليوم رايحه شارمل وقاشه منهم حق اكثر من ستين دينار شدوات ولمعات وحمر

بس شفت الكل يمدح ماركة مكياجي قلت اشتري على الاقل منهم شدوات مميزه

ودبنهامز غني عن التعريف كل المكياج فيه وانا مااضمن اصلا اشتري عطور ثقه الا منه

خلينا نفتح هالموضوع مني انا وكل البنات يمكن نستفيد من تجارب الغير عن ماركة مكياجي نوصي احد او حتى ان شاء الله لي سافرنا تكون عندنا خلفيه باحلى مافي ماركة مكياجي

مكياجى من اى بلد؟ اذا كانت رخيصة لا تشترينها ابدا لان الشدو ما يثبت

تبين رخيص و حلو مافى احلا من بورجوا او ماكس فاكتور حتى فادى قطايا يستعملة :27: :26:

مكياجي اعتقد في الامارات واشوف والله حوالي كذا وحده توصي على علب شدو من هالماركه حيل يمدحونها وشفت العلبه فيها الوان كثيره وحلوه

ماكس فاكتور اكثر كريم اساس ناسبني والكل يسألني عن كريمي صج روووووووووعه

بس بورجوا ماقد جربت شيء منه ناويه كاتبتهم بلسته عندي وبروح اخبص حمر وشدوات من جم ماركه

مشكوووووووره اختي انوار على الرد

هلا حبيبتي
بصراحه مكياجي انا اقولك عن تجربه
ماركه والله قمــــــه حلللللو ه ومريحه وبسيطـــه...
انا اخذت من عندهم علبه كاملـــه(الي زي الشنطه)وفيها 4 علب شدو ، و6 ارواج ،وقلم كحل وماسكارا ومحدد وفرشه للبلاشـر وشنطه صغيره تحطين فيها الاغراض المهمه وتحطينها بالشنطه الي بتاخذينها للجامعه او للسوق او اي مكان.....
على فكره انا من السعوديه....وماادري اذا يختلف الي عندنا عنكــم..!
اتمنى انك فهمتي علي.....واذا مافهمتي قوليلي حبيبتي وانا احـاول اوضح لك اكثر.....
اختك:نور الرياض:)