من فترة تعرفت على ماركة مميزاتها عجيبة بصراحة ،
هالماركة كنت أشوفها قبل في عدة مواقع بس ما كنت أنتبه لها أو أهتم لها ،
حتى راح تلاحظون في عدة منتديات أجنبية حاطين ركن خاص فيها وبمنتجاتها وتجارب البنات ،،
المهم !!
اللي خلاني أحب الماركة << والله حب من أول بحث ،
كنت أبحث في سيفورا عن أفضل المبيعات أو أفضل المنتجات ، جان تطلع بعض
منتجات هالماركة ، ومن هالبحث ،
حبيت الماركة بدون ما أشوفها أو أجربها ،
وبديت أهتم جدياً بهذه الماركة وأشوف منتجاتها ، ومو بس بحثت في سيفورا ،
رحت لموقع الماركة نفسه وشفت قصص النساء اللي جربوا الماركة ،
ورحت لبعض المنتديات الأجنبية وشفت حاطين لهذه الماركة ركن خاص عن منتجاتها وتجارب العضوات
وعرفت إن معظم النساء الأجانب سواء كانوا صغار أو كبار جربوها ويمدحونها وخصوصاً الأساس ،
أدري غثيتكم بالكلام وتبون تعرفون شنو الماركة
الماركة اسمها ،
bareMinerals
ألحين راح أقولكم عن :
- مميزات الماركة ،،
- أستعرض معاكم بعض منتجاتهم وأفضلها ،
- المنتجات اللي طلبتها من هذه الماركة ،،
مميزات الماركة :
طبيعية ، نقية ، خالية من المواد الحافظة والتالك والعطور والمواد الزيتية أو الدهنية اللي تسد المسام
مثل ما قلت لكم نقية لأنها تتكون من معادن تغذي البشرة ، خالية من المواد الكيميائية اللي
ممكن تسبب احمرار أو تحسس بالبشرة ،
وتعتبر الماركة الوحيدة اللي ممكن تنامين فيها بدون خوف لأنها مفيدة للبشرة ولا تسد المسام
ولا تؤذي البشرة بسبب المميزات السابقة اللي ذكرتها ،
حتى شوفوا شعارهم اللي حاطينه :
- يعني تفيد اللي بشرتهم حساسة مثلي
- أو اللي يحبون المكياج ويحطونه 24 ساعة بدون خوف أو شرر على بشرتهم ،
- أيضاً تناسب العرايس اللي يباتون في المكياج ،
هذي بعض منتاجاتهم
ألحين بعد ما عرفتكم على مميزات الماركة ، تعالوا نشوف بعض وأفضل منتجاتها ،،
نبدأ بالأساسات ،،
i.d. bareMinerals Foundation - SPF 15 Sunscreen
وهذول البلاشرات ،،
وهذول بلاشراتهم على الطبيعة ،
ملاحظه منقول من منتديات عروس الاخت الغاليه مجد