هلا وغلا حبيباتي منتداي الغالي ..
من تسع سنوات وهو رفيق دربي ولكن لي فترة كبيرة عليكم .. طبعا انا تاخرت بحملي خمس سنوات وبفضل الله ثم قراءة سورة البقرة حملت وجبت بنوته وعلى طول ماشاء الله حملت ببنتي الثانيه وعلى طول ماشاء الله حملت بالثالثه بس صابتني العين وتوفت بعد ولا دتها باسبوع وانقهرت وحزنت بس لاحول ولا قوة الا بالله العلي العظيم وجلست سنتين ماحملت وقبل شهرين حملت واجهضت بنفس الشهر وراح املي من جديد ..
مشتاقه لطفل أتذكر ولادتي الأخيرة صدري بيه حليب وماني لاقيه بنتي ارضها قهر ودموع بس الحمد لله على كل حال .. وملابسها اضمهم واشمهم للحين مانسيتها مع انها عاشت بس أسبوع .. أتذكر وحدة اعرفها ماتحبني وش تقولي ياحرام كل الي ولدن معاك طلعو من المستشفى بعيالهم الا انتي طلعتل بشنطتك بلا بنتك كنت بنقهر منها وحسبت بقلبي عليها ..
ونويت هالشهر اني احمل بعون الله فعملت خطة اني اتصدق بنية الحمل يعني أسبوعين وانا اعمل اكل لجيراني كانو أولادهم مسافرين ووصوني عليهم والدينهم يعني فكل مااسويلهم اكل احتسبه صدقه بنيه الحمل والدعاء الكثير والثقه وحسن الظن بالله .. والحمد لله قبل تلاته ايام ..
حلللت وطلعت حااااااااااااامل ماشاء الله .. وعرفت ان حبيبي اللله يسمع مناجاة العبد الفقير اليه وتقبل مني عملي الصالح والحمد لله ماوسعتني الفرخه انا وزوجي وبناتي وكاني اول مره احمل مشتاقه لطفل وخاصه ان سلفتي لما ولدت اخر ولاده ماتبغاني المس ولدها خايفه من العين سبحانك ربي وانا كل مااشوفه قلبي ينط واتذكر بنتي المتوفيه ..
ادعولي ربنا يتمم علي واشوفه بحضني وربي يرزقني بالولد يخاوي بناتي والله اني ماافرق وحتى لو بنت ابها اهم شئ بيصير عندي ان شاء الله بيبي وارضعه والعب عليه ..
يلزم عليك تسجيل الدخول أولًا لكتابة تعليق.
ماشاءالله الله يتمم لك يااااحي ياقيوووم
ان شالله ربي يرزقك بطفل سليييم معافى
وشكرا على ذكرك التجربه
ان شالله ربي يرزقك بطفل سليييم معافى
وشكرا على ذكرك التجربه
الصفحة الأخيرة
الله يتمم لك