ماساعدت ام زوجي في طبخ الضحيه

بنات من العايدين

بقول السالفه

انا ساكنه في مدينه واهل زوجي بمدينه ثانيه

وجيناهم قبل العيد بيومين

ويوم العيد الصباح عيدنا بعض وش زيننا ووش احليلنا

نزل زوجي وعمي عشان يصلخون الذبيحه

على الرغم من ان عنده عيال اصغر من زوجي بس كبار وموظفين

بس نااااااااااايمين

عاد انا وعمتي وبناتها الثنتين بالمطبخ ننتظر الضحيه عشان نوزع منها ونطبج منها غدا لهم ولاهل عمهم

وجت الضحيه وتساعدنا عليها ونقطع ونقسم ونشتغل حنا يالحريم وزوجي

المهم ولدي كسر فنجال ورحت اكنسه وجيت بدخل الا واحد من عيالهم المصونين النايمين صحى وللمطبخ

يشتغل معه

وانا كل اشوي اسال فيه احد؟

عشان بدخل انكمل شغل

الا الرجال ماله نيه يطلع

واناس تشتغل واتسوووووولف وامبسسسسسسطه وانا مثل الخبله مرتزه بالصاله ومشمره اكمامي بشتغل

انتظر

انتظر

والا ماحد درى عني

عاد توني احس وانقهرررررررررررررر

واشغل التلفزيون واقعد اتفررررج

عاد اخلصو شغل واطلعوا

والا تدخل عمتي ووجهها متغير زي اللي عارفه بخطاهم

وتسالني وش فيك نعبانه؟

قلت لا مافيني الا العافيه

وشوي جاء زوجي ودخل الغرفه وبعديييييييين لحقته

ووجهه زي وجهها عارف الخطاء

قال وش فيك

قلت مافي شي

المهم وانا انسدح لي ربع ساعه

ولمى اذن الظهر قمت ولبست وطلعت وجلست بالصاله

وجو عمانهم اللي هي مرت عمهم وبناته وحريم اعيالها

وانا مثل الضيفه حتى قهوة ماصبيت

وتجي عمتي متحيزمه يعني حازمه ظهرها شوفوني انا اشتغل ومرت الولد جالسه

والله يابنات انا لو ابي انافق نافقت مثلهن وقمت على عيون الناس واشتغلت بس الحمدلله ماتعودت على هالحركااااات

المهم وتقعد عمتي جنب مرت عمهم اللي هن عدوااااااات لبعض واللي دااااايم عمتي تسولف فيها عندي

اليوم تسولف فيني عندها

تقول بصوت واطي اني ماشتغلت وانها طبخت الضحيه لحالها


بنات شوي وراجعه الصغار هبلوا فيني

عدددددددنا

وانا ادعي ياااااارب يطلع الغداء ماااااالح

المهم البنت الكبيره منقهرررره ماغير تسمعين طقطقت المواعين تضرب فيهن المجلى من القهر

وقلطو الغداء

وانا اقرب واتغداء كني ضيفه

والا الغداء طالع ماااااااااالح

والرجال ماتغدوا

وكلن يقول انا سويت الغداء بلاهن ماذقنه

وكل مقصدهن رياء للناس وعشان يورون الناس اني ماشتغلت

العمه تقول انا سويته
والبنت تقول انا سويته

ومرت العم لمى انزلت لبيتها قامت تقطيييييع بلحمي اني ماشتغلت

المهم خلصوا الناس ومشوا

وانا سييييده لغرفتي جهزت اغراضي عشان امشي لاهلي لاني من جيت ماجيتهم عشان هالضحيه

ويجي ابوالشباب ويوديني

وبعد ايام بياخذني

وانا صراحه يابنات مااااااااحب المشاكل والمشاجرات وسوالف الحريم

وحسيت اني سويت موقف اكبر مني لاني ضعيفه بمواجهة الحموله ومشاكلهم

وماكذب عليكن يابنات والله اني شايله هم من مواجهتهم

والله اني اكتب وفيني رجفه

لانهن مايعدن شي

ينغزن والا يتكلمن وانا صراااااااحه ماحب المشاكل

بس اللي خلاني اسوي كذا

لانه قهرني ولدهم يوم الصلخ وشغل الرجال ناااااايم

ويوم جاء شغل المطبخ قام يزاحمالحريم

وغير كذا هو كان اول زواجي قبل لايتوظف كان يحشرني

يجلس بالصاله وانا ابطلع من غرفتي واطق الباب مايطلع
يقولون له قم مايقوم غير بالقوة

وبعد الوظيف عقل
واللحين رجع لسفاهته

عشان كذا انا على طول فهمتها وتظايقت

واللحين يابنات ابي منكن الراي السديد

ابي الراي اللي مايخرب بيتي

كيف اواجههم بعد ماجي من اهلي

صراااااحه شايله هم

دعواتكم بنات

ولا ابغى تجريح وكلام فاضي

قل خيرا او اصمت

وبنفس الوقت مابي مجاملات

انتظرررررركم