فوق

ياربييي ولا وحدة منكم تعرفه

انا اقووولك طريقة المسالا

انا ذقتها كم مررره في مطعم هندي في امريكااا وبصراااحه شي جونااااان

فيه نوعين مسالا نوع يجيكي طعمه مسكر( فيه حلا شوي) ونوووع حار وفيه حموضه وهذاااا الرووووووووعه

المهم انا مرررره عجبني وجبت طريقته من اليوتيوب من طباخ هندي وجرربته طلع مررررره رووووعه واحلي من اللي بالمطعم

اول شي حددي دجاج ولا جمبري

المقادير
3 بصلات كبيره مقطعة شرايح
4 طماطم مقطعة مربعات
3 فصوص ثوم مطحون
ملعقة شاي صغيره جنزبيل اخضر مهروس
فلفل اخضر حار حسب الرغبه الكميه واذا تحبيه بااارد بلاش من الفلفل
لبن زبادي
زبده
ملح وفلفل اسود وبهارات تلاقيها في السوبر ماركت اسمها دجاج مسالا او مسالا مطحونه اشتريهاا

نبدآ بالطررريقة:
سخني الزبده وانتبهي لا تنحرررررق وحطي عليها شرايح البصل وقلبي الين مايذبل البصل ويبدآ يتحمر مو مرره يتحمر اهم شي يستوي وشقر لونه شوي
اضيفي له الثوم والزنجبيل وحركي مدة دقيقة وبعدين اضيفي الفلفل الاخضر والطمامم المقطعه وخليه علي نار هااااديه يطبخ

نجي للدجاج او الجمبري اذا جمبري خليه بدون ماتقطعيه صغار واذا دجاج قطعيه مكعبات كبيره او وسط وحطي عليه توم مهروس وجنزبيل وبهارات من اللي ذكرتها فووق وعصير ليمونه وزبادي خليها متبله شوووي يعني ساعه او اقل انا عني قبلها بربع ساعه احضرها
بس طبعا كل ما طولت كل ما احسن

سخني الفرن تحت ورصي الدجاج علي صينيه مفروشه بقصدير او تيفال عشان ما تلصق
وخلي الدجاج الين ما يستوي ويتحمر نوعا ما

نرجع للقدر تبع الصلصه والبصل تلاحظين البصل والطماطم بدآت تصير زي الصلصه الخشنه واستوت تماما طبعا ماحددت الوقت حسب انتي مو شايفه
اضيفي البهارات بدون الملح وحركي وحطيها في الخلاط مع زبادي تقريبا نص علبة اللي بريال

نصب الخليط في القدر ونضيف له الدجاج اللي بالفرن ونحرك واذا كان احمر نضيف شوية زبادي ونذوق الملح لو احتاج الدجاج مع الخلطه نملحه

ويقدم مع الخبز النان ما اعرف كيف اسويه بس مررره طعم

والله طعمه احلي من المطعم ونفسووووو مدررري كيف جررربيه


علي فكره لاحظت البنات يحطو قشطه او كريمة خفق بدل الزبااادي بس بيطلع فيه طعم حلا والمسالا حلاوته حار وفيه حموضه بسيطة

ممكن تخلطي زبادي مع ملعقتين قشطه تثقل الخلطه بس كريمة خفق ابدا ما انصحك

لو جرربتيه بالله قوووولييلي بشووف عجبك ولا لا

سلااااااااام

رفـــــــــــــع

رفع