اختي العزيزة...
اللي جذبني في موضوعج انج عارفة عيبج (العصبية).. و هو اول شيء اعترفتي فيه و هذي هي نقطة الانطلاق الاساسية...
يمكن انا ما اقدر انصحج ذيك النصيحة العدلة لان مهما يكون خبرة سبعة اشهر زواج تكاد تكون و لا شيء امام 12 سنة زواج .. لكن لعل و عسى اقدر افيدج
شوفي اختي..اولا العصبية تخلي اي شخص (مو الا المرة) يكون مكتئب معظم الوقت (خاصة اذا كان مسبب العصبية موجود على طول كالاطفال او مشاكل العمل) و ثاني شيء الشخص العصبي لا شعوريا يبدأ يصير شخص متذمر من كل شيء حواليه.. و ينتقد حتى الشيء العدل.. و هذي الافعال كلها تشغل الشخص عن نفسه و تخليه يصب اهتمامه على اسباب عصبيته.. غير انه العصبية تخلي الانسان يكون خشن و جاف و احيانا فظ لابعد الحدود..و لاحظي انه هالامور كلها لا شعورية.. يمكن الحين و انتي تقرين هالكلام تبدين تحسين انه نوعا ما صح..
و عاد تخيلي انتي اذا هالصفات تجمعت في المرأة؟؟!! شلون بيكون وضعها؟؟
النقطة الثانية اللي انا لاحظتها في الرياييل من لما تزوجت هي انه الريال مهما كان عصبي و جاف و فظ فهو في المقابل ما يتقبل انه زوجته انها تكون جذيه ابددددا..خذيها مني و هذا الكلام عن تجربة شخصية.. لاحظي انه اللي قاعدة تنصحج انسانة قمة في العصبية.. كبريت بكل معنى الكلمة..
لكن انتي حاولي قد ما تقدرين تهدين نفسج و تتجنبين الامور و الاشخاص و اي شيء ممكن انه يسبب لج العصبية..و خاصة خاصة في حضور ريلج.. ترى الريال يا اختي ما يرتاح الا في بيته.. و لما يرد اخر اليوم للبيت يكون كله همه انه يلقى لقمة نظيفة ياكلها و راااااحة بال و هددددووووء... فحاولي قد ما تقدرين انج تخففين من العصبية و تستمرين على هالشيء (لاحظي انه الاستمرار اهم نقطة في التغيير) عشان تقدرين ترجعين ثقة ريلج فيج.. بعدين لا شعوريا راح تبدين تهتمين في شكلج و لبسج و هالسوالف..
و اهم شيء انج لا تفكرين وايد في المشكلة كثر تفكيرج في حلها.. لان الحل هو الاهم و هو اللي لازم تركزين عليه الحين...
و على فكرة ترى العصبية مو زينة حتى لج لانها ممكن تسبب لج الامراض مثل ارتفاع ضغط الدم و احيانا حتى القلب لا قدر الله.. و ممكن حتى تأثر على عيالج و تخليهم يبعدون عنج اميال و اميال و عقب ما تلاقين اي حد عندج..
فاستهدي بالله يا اختي و خففي العصبية و ثقي انه امورج كلها بتمشي على خير و راح تتغير للاحسن باذن الله
و موفقة اختي

حبيبتي طبعا البنات ما قصروا في ردودهن

لكن نصيحتي لك انك محتاجه تجلسي مع نفسك و تعيدي صياغه حياتك لاصلاح ما يمكن اصلاحه

هل تهتمين بزوجك ام كل الاهتمام منصب علي البيت و الاولاد و اين موقعه في خريطه حياتك هل تقدمين له الهدايا في المناسبات

هل تهتمين بنفسك الاهتمام اللازم تتزيني له تتدلعي عليه تلاطفيه بالكلام ام الانشغال الزائد بالعمل و الاولاد اغفلك عن هذه الاشياء

الموضوع محتاج وقت و صبر لو اصلحتي هذه الاشياء ستستردي زوجك ان شاء الله

اختي الغاليه حاولي ان تفهمي منه سبب نفوره اذا كان هذا وضع جديد فلا بد من وجود

اسباب اخيتي حاولي اصلاح عيوبك التي سببت له الضيق وفكري دائما هل العصبيه

ستربي الأبناء اوتحل لك المشاكل اوتخفف من ضغوط الحياة ابنائك بحاجه لحنانك و

تفهمك وعقلانيتك وكذالك زوجك الذي ممكن ان تكوني قد اصبحت جافه معه وجديه

الزوج كالطفل يريد المرأه مزيجا من الحنان والحب واللعب والحكمه وصدقيني ليس

الجمال مايجعل زوجك يتعلق بك لان الجمال سيزول وتبقى المواقف والكلمات
هي الشاهد بينكما
غيري من نفسك وحياتك
تفاهمي معه لبناء صفحة جديدة من اجل اسعادة وان شاء االله تتوصلين الى احسن نتيجة

حبيبتي لازم تتأكدين أنو في أشياء تكون خارجة عن الأرادة مثل يكون زوجك فية عين أو مسحور .. لا قدر الله

انصحك أنك تقرين في البيت سورة البقرة وتعطين زوجك موية مقري فيها وتقرين علية وهو نايم ..
وايضا لا تنسين أنك تغيرين من شكلك وتهتمين بمظهرك وتطلعين يوم مع زوجك لفندق وتريحين معاة وتغيرين جو ..

الله يوفقك