خلصت الماستر من 3 سنوات بطلوع الروح لان تخصصي علمي احياء والماستر بالعلمي صعب غير عن الادبي لان ابحاث التخرج في تخصصنا مكلفه ماديا مره مكلفه ومافي مراجع الا انجليزي وتاخذ الترجمه والفهم المهم خلصت الحمد لله بس وظايف مافي مجالي الا تدريس والتدريس يا اهلى يا حكومي الاهلى رافضته تماما ليه ؟ لان دورت بالمدراس بالبداية المدارس الخاصة المعروفه رافضه تعين بدون خبرة اروح اقدم لهم درس واتعب وتتعب اعصابي عالفاضي والمدارس الاهلية الى تمشي الحال والبسيطه ولا هي مشهورة مو راضيه تعطي راتب 5600 اقسم لكم بالله مدرسة المديرة قالت نسجلك بالموارد بس احنا ما نعطيك راتب الى يكمل 5600 لا يطلع راتبي بالكامل ما يكمل 4000 قلت يلا نصبر واختي حاولت معايا معليش تحملي معاهم لحد ما تحصلي الافضل المهم وعلي اساس دوام جزئي الخميس المفروض اوف عندي قالت تعالي بس حتي تحضري حصص زميلاتك وتزيد خبرتك ونصاب اقل طبعا بالحصص واستلم الجدول وتجي المفاجأة كل كلامها طار بالهوا دوام كامل كل يوم لا جزئي ولا احزنون ومع هذا سكت استأذنت علشان اول يوم لبنتي دراسه واول يوم لولدي دارسة اولى ابتدائي وتمهيدي ولعلمكم عوضت الحصص بحصص ثانيه يعني انا ماشيه معاهم مضبوط وترا كان اول اسبوع بالدراسة الى كلنا عارفين انه اصلا مافية دارسة ومع هذا اتبلوني اني غبت 3 ايام ويلا سلمي عهدك وبس سلمت عهدي ومشيت وجلست برضو ادور وحصلت مدرسة والله مانزلو اعلان ولاشي بالصدفه وكان محتاجين معلمه بتخصصي واجلس يوم وانا احضر وارتب ورق كانها *** مع طالبات من جد واروح وانا مواصله واشرح من قلبي واخرتها تبغاني امسك مع مادتي ياناس مادة علميه فيها جزء نظري وعملي وتبغاني امسك حصص رياضه لكل المدرسة وزيادة كمان حصتين نشاط كل اربعاء يعني بالصلاة عالنبي طلع لي نصاب 25 *** وكمان قالت معليش انا ما راح ادخلك بالموارد الا بعد 3 شهور وكان هذا الترم الثاني مو من الترم الاول يعني تقريبا حجلس الترم الثاني كله ب3000 الاف ابلة احياء وابلة رياضه وكمان مسؤوله عن حصتين نشاط بالله عليكم هذا يرضي مين ؟ ورفضت اكمل معاهم ولما سألت صحباتي الى يدرسو بأهلى قالو لا المفروض شهر وتدخلك ما احد يمشي علي الكلام الموجود بالعقود بس حصلت وظيفه حلوة بالبيك تناسب تخصصي بس للاسف ما وافق زوجي عليها لانها مره بعيددده عن البيت وراتبها مره حلو و التقديم بالجامعه قدمت لما قلت امين وانا من الخمس الاوائل بدفعتيوما صار نصيب الحمد لله علي كل حال . بس الى تقدم مدرسة اهليه اعرفي حقوقك ولا تتنازلي عنها ابدا لا راتب ولا نصاب حصص وترا نادر المدارس الى تنزل اعلان لازم انتم تلفو وتدورو وبس وسلامتكم