السلام عليكم ورحمة الله وبركاته
كل عام وانتم بخير
محتاره وش اقوول ومن وين ابدا ..
راح اختصر سنين طويله تعلمنا فيها ان العم والد
واكتشفنا غير عن ماتعلمنا
ماراح اقول عن ماضي ابوي ووقفته مع اخونه لانه واجب اي اخ تجاه اخوانه..
لكن لما تبي تشوف نتايج تضحياتك .. وقفاتك .. الدم اللي يربطكم كله يطلع ولاشىء ولاشىء كانك ماسويت شىء
..
ابوي له 3اخوان واحدمنهم متوفي الله يرحمه
واثنين عايشين الله يطول في اعمارهم ..
طبعآ عمي الاول هذا وش اقول جميع الصفات الزينه فيه..
لكن ربي بلاه بزوجه وش اقول شىء يصعب وصفه
خبيثــــــــــــــه مع مرتبة الشرف حقوووووود غيووور
تخيلوووو عمي صاد عني بدون سبب !!
لاتقولون تذكري اصلن هو ما اقابله الا في المناسبات
الرسميه فقط او صدفه رغم ان بيتنا وبيتهم جنب بعض
وسلام وعليكم السلام فقط يعني مايمديني اغلط
وزوجته ما على راسها الا حنا كان محد قاهرها غيرنا
وربي ان حنا ما نسوي لها ولا لعيالها شىء بالعكس
نتعامل على اساس حنا اخوان والبيت واحد ..
لكن مع كثرة القرقره على راسه صار يحقد علينا
طبعآ زوجته تجينها <(استغفرالله استغفرالله استغفرالله
على لسانها وتنصح وتتبع الدين اذا اعجبها
اما اذا صار مهوب في صالحها تخليه لصالحها <على حسب الوضع عندها وشهوتها
اما عمي الثاني فهذا كاااااااااان ما يعترف براي المره
ومالها اي راي عنده او شور بينه وبين اخوانه < وزوجته
ماتحرضه على احد بعكس زوجت عمي الاول لاااااازم تسب وتحرش وتشب وتسبب عداوه ..اول عداوتها كانت لامي
تدعي على اخوي لانه ركب على كيرم <اللعبه
وتقول ليت امك يوم حملت فيك سقطتك !!<طبعآ على مسامع امي وعماتي وجدتي !
وش كان رد امي تشرب مويه حتى تبلع الغصه حتى ما يتضايق عمي
مره دخل اخوي غرفتها وكان عمره سنتين صغيررر جاء لامي
وكانت اصابع يدها تعدينها على خده <ضاربته كف من قلب
ومره ماسكه اخوي بشعره ومخليه وجهه على الموكيت وبناتها يضربنه وهي معهن ..
تخيلووو اقرب شىء عمي بجنب ابوي بالمسجد يصلووون
ماقال له تعال اليوم تمايم ولدي!!
كانت بيوتنا وحده صارت عده ..
تخيلووو زوجت عمي الثاني كانت نفاس
قالت بنت عمي الكبيره اليوم جدتي تقول لجدي ان فلانه <تقصد امي
احبهااا وتدخل القلب وحرمه فيها وفيها <طبعآ مدح لامي
هنا ضاعت علووووم زوجت عمي الاول وصارت
تسوي حركات غير طبيعيه تخيلوو تشتري هدايا لزوجت عمي الثاني وتسوي نفسها الاخت
لكن تعالو شوفوها لاجلسنا لحالنا حش موب طبيعي نظوووول حسوووود كذووووب وغيره من الكلام
طبعآ مانقلنا الحكي ابد
لكن بعد فتره تغيرت علينا زوجت عمي الثاني انقلبت !!
ماخبرنا غلطنا عليها .. بس عرفنا ان زوجت عمي تنقل لها الكلام اللي تقوله لنا هي ..عاد بطريقتها هي
قالت امي تسمع زوجت عمي ترى من حكى لك حكى فيك <يعني افهمي
زوجة عمي الاول وش سوت راحت وقالت: غيرانه غيرانه
ان انا وام فلان خوات !!:eek:
قالت امي الله يهنيك بركتها ويهنيك فيها
قالت زوجة عمي الاول : حسافه اللي اكلتك ببيتي ؟ ودخلتك بيتي ؟<يعني انك تخونيني
امي انصدمت من كلمتها فقالت : جيبو مصحف تحلفين
والله شاهد علينا
قالت ليه : اجل انا بحلف؟ مانيب حاااااااااااااااااااالللفه وقامت تدور مثل الحيه ماعرفت تقعد..
:mad:
طبعآ عمي الثاني تاثر بكلام عمي الاول اللي متاثر بزوجته الخبيثه ..
بعد ماكنا بيت واحد تفرقنا بسبب خبث حرمه
انا هنا اطلب منكم تدعوووووون ان ربي يظهر الحقيقه
قدام الناس كلها واولها اعمامي ..
ماراح اقول ادعولنا لكن ادعوا ان الحقيقه تظهر
يكفي تضحيات امي ما اثمرت ولا تضحيات ابوي
والله ان امي كل يوم تدعي حتى يظهر الحق
ويعرفون الناس اللي ماهمهم الا الظاهر ..زوجة عمي سليطة لسان وهذا داعمها ..لكن اعذارها غبيه وتافهه
والا وحده تقول غيرانه بعد ماقالت امي انتي اللي فرقتينا بنقلك الحكي < قالت غيرانه غيرانه اني انا وام فلان مع بعض ؟
ليه رجلها والابزران غيرانه:angry2:
والعذر الثاني ااكلك في بيتي ؟ ليه بيت ابوك هوووو؟
ووش تاكلين ياحظي ان تجمعنا كل بصحنها والا قهوه بينا وكل يوم على وحده وين تاكلينا <قسم بالله تدبل الكبد
الا يالله ياللي ترفع دعوة المظلوووم تبين حقيقتها وتكشفها يااااااااااااااارب يااااااااااارب يااااااااااااارب
وتجعل تدبيرها تدميرآ لها ياحي ياقيوووم
نزف الجرووووح @nzf_algrooooh
عضوة فعالة
يلزم عليك تسجيل الدخول أولًا لكتابة تعليق.
ماراح نتقرب هي مصدقتها اصلن مالها شخصيه معها تتبعها مثل ظلها
وماتهمني كيفها اهم ماعندي اعمامي يعرفون الحقيقه
وماتهمني كيفها اهم ماعندي اعمامي يعرفون الحقيقه
الصفحة الأخيرة
طيب حاولو تتقربو لمرة عمك الثاني
وبينولها الحقيقه
الله معك
زمو غير انتي ونا اختك
كل النااااس زي كذا..