ماسك الحلبه جميل تحت شرطين للي بشرتهم دهنيه زيي

أنا قعدت فتره أستخدم ماسك الحلبه أحيانا أحطها لوحدها بعد ما أنقعها شويه في الميه وأحيانا أحط معاها زبادي وكانت النتائج مرضيه و الحمد لله
مميزات ماسك الحلبه:
1-تخفف من بقع الشمس (طبعا يا جماعه أنا بحكي تجربه شخصيه وماحبش المبالغات وأنا الصراحه معرفش هيا بتخفف البقع اللي مصدرها حاجه غير الشمس ولا لأ بس هيا الصراحه خففت لي البقع اللي كانت طالعه لي من الشمس)
2-بتقلل جداان الخطوط الرفيعه اللي حوالين الفم
3-بتعطي توريد للوجه و قللت الشحوب اللي كان عندي
4-بتفتح الوجه اللي متغير لونه من الشمس وفعلان حلوه للناس اللي بتشتغل بتلاحظي الفرق وانتي نازله الصبح وبتحطي كريم للشمس تلاقي بشرتك فتحت درجتين تقريبان بعد أسبوعين من الاستخدام

اللي أحب اني أحذر منه البنات الصغيرين اللي لسه بيعانوا من ان بشرتهم بتطلع حبوب أو من أي واحده بشرتها دهنيه :
استعملي الحلبه حلوه هتخفف اثار الشمس وهتغذي بشرتك وتفتح لكن تحت شرطين:
الشرط الاول:
ماتنقعيهاش طول الليل زي ما أنا عملت لانهاطلعت الماده الدهنيه بتاعتها كلها
الشرط التاني:
لازم ثم لازم ثم لازم تجففي وشك كويس قبل ماتحطيها



والله أنا كتبت الموضوع ده بعد ما أنا اتاذيت في المره الاولي نقعتها كتير وبعدين خدت منها وحطيت علي زبادي
لاحظت بعد ما سبتها فتره و غسلت ان الحبايه اللي انا بحاربها من زمان اللي في مناخيري بدأت تنشط تاني
المره التانيه حطيتها علي وشي بعد ما غسلته بساعه وأنا وشي يبدأ يطلع دهون بعد غسله تقريبا بربع ساعه لاحظت ان في حبايه في خدي برضه هترجع تتعافي من جديد
طبعا الحاجات دي أنا بقولها للبنات اللي عندهم مشاكل بشره دهنيه لكن اللي بشرتهم جافه أو عاديه مافيش أي مشكله وعلي فكره أنا بستمر عليها بعد ماوافيت جميع الشروط:mad:
مع السلامه:)