ماسك راااائع + علاج الهالات السوداء

السلام عليكم ورحمة الله وبركاته
اولا هذا اول موضوع لي بقسم البشره واتمنى تكون المعلومات جديده ومفيده
قبل شوي كنت اتفرج بقناة قطر وطحت على برنامج اسمه زوايا والله مااذكر المهم هو يجي اتوقع من الصباح بدري يعني من ست الا ربع الى الساعه 7 صباحا وكان فيه ضيف لبناني هو وكيل وجووووه في الشرق الاوسط كل الكلام الي فوق مايهم :)
المهم كانت الحلقة عن البشره وقال معلومات مره مفيده وسوى ماسك طبيعي
مكوناته :
نص علبة زبادي (روب)
ملعقتين شوفان
نص ملعقه صغيره حبة البركه
نقطتين ليمون :)
وخلطها وحطها على وجه المودل يادوب 10 دقايق بس المفروض يكون من ربع ساعه الى 20 دقيقه بس وقت البرنامج ماكان يسمح :) المهم لما مسحه يووووووووه لو تشوفون النضاااره بوجهها مفعوله عجيب انا انهبلت قلت معقوله بهالسرعه
وبالنسبه للهالات السوداء يقووووووول :
لازم تشربين كل يوم فيتامين سي ( الفوار ) عرفتوه يقول لانه عدو الهلات السوداء << معلووومه خطيره واول مره اسمعها
يقول انها تقضي على الهلات السوداء وحتى الي ماعندهم هالات بتعطيهم نضاااااااااره تحت العين
وقال عن خلطه تنحط على الهالات عباره عن مغلي البقدونس+ البابونج تصفينهم وتحفظين مويتهم في برطمان وكل يوم خذي قطنتين وبليها بهالخلطه وحطيها على عينك ربع سااعه

اخيرا مدح البطاااااطس المسلووووووق وان له دور انه يفتح الهالات

على فكره خلطة الهلات يقول تقدرين تغسلين فيها وجهك وبيفتحه مع الوقت

اسفه على الاطاااااااااله اتمنى تستفيدووووون ولاتنسووني من صاااالح الدعااااااااء

قبل ماانسى بيرجعون يستضيفونه الاسبوع الجاي بس ماقالوا متى وبيتكلم عن البشره بالاضاااااافه الى اخر مووووضه في الميك اب