ماسك رهيب للشعر ما راح تندمي انك جربتي

سلام حوائيات
بدي احكيلكم عن ماسك جربتو كتيير خرافي مع اني ما بحط كتير ماسكات يعني بتكاسل و بحس بغلب حالي عالفاضي
بس هي اول مرة في حياتي بعمل ماسك للشعر و بتشجع ارجع اعملو مرة تانية قد ما هو رهيب و المكونات متوافرة في كل بيت و بسيطة .
طبعا الماسك اخدتو من صفحة
*******
راح اكتبلكم اول اشي مكونات الماسك :
_عسل
_ ماء مغلي ( مهم يكون مغلي مو سخن من الكولر)
_ لبن
_ مايونيز
الطريقة :
بتحطي معلقة كبيرة عسل و بتذوبيها بمعلقة كبيرة ماء مغلي و بعدين بتحطي معلقتين مايونيز و بعدين حطي معلقة كبيرة لبن و بعدين ابدي وزعي على جذور شعرك و افركي الفروة بس مش بقوة كتير و بعدين باقي الماسك حطيه على اطراف الشعر و اتركيه من ٤٥ دقيقة الى ساعة تقريبا .
هاد الماسك بختلف سرعة تاثيره او مدى تاثيره على الشعر حسب طبيعة الشعر بس مفيد لكل الانواع و يفضل انك تستخدميه لمدة شهر على الاقل و ٦ اشهر اذا كان شعرك كتير ناشف و بنسل .
فوائده للشعر :
يطري الشعر و بخليه انعم ( ما بشيل التموجات بالشعر ) بس ملمسو بكون ناعم مو ناشف و لا خشن
و الاشي الاهم يلي انبسطت عليه انو خف تساقط الشعر بشكل رهيب ماشاءالله كان شعري يتساقط بشكل رهيب بعد استخدام الماسك ماشاءالله و لا شعرة نزلت بيدي
و هاذا كان كل اشي ما تنسوني من دعائكم يا حلوين