مرحبا بنات
كيفكم .. اليوم جايبة لكم ماسك ولا اروع
يفتح البشرة في 10 ايام والنتيجة تبان من اول استعمال
وانا اخذتها من وحدة مغربية .. ومن شوي كنت حاطتها بصراحة تجنن
انا بشرتي بالاساس فاتحة عشان كذا شفت نتيجة حلوة بس اللي بشرتها غامقة
ما اتوقع انها راح تلاحظ فرق كبير من اول استعمال بس مع الاستمرار ان شاء الله
تفتح "
نجي لمقادير الماسك :
اول شي تحتاجين علبة زجاجية مع الغطا وتخلطين فيها
( ملعقة كبيرة حليب بودرة ، ملعقة كبيرة دقيق ابيض ،
ملعقة كبيرة نشا الذرة )
وتحفظينها بالثلاجة لوقت الاستعمال ///
الطريقة :
تاخذين ملعقة كبيرة من الخلطة وتحطين عليها
مقدار متساوي من ( عصير الليمون + ماء الورد )
وتخلطين الين يتشكل عندك خليط مثل خليط الكيك
لاهو ثقيل مرة ولاهو خفيف مرة يعني وسط
توزعينها على وجة نظيف بحركات دائرية وتتركينها على وجهك لمدة 15 دقيقة
او لين تنشف //
بعد ما تنشف ترشين عليها شوي ماء ورد وتفركين بحركات دائرية
بعد كذا اغسلي وجهك بموية دافية ثم موية باردة
وشوفي الفرق ,, ولازم تستمرين عليها 10 ايام
وبس ان شاء الله تكونو استفدتو وتجربو الماسك وتشوفو
نتايج حلوة و تراه يستحق التجربة
دعواتكم لي بالتوفيق ,, اختكم
ام ريما
* ام ريما * @am_ryma_69
عضوة جديدة
يلزم عليك تسجيل الدخول أولًا لكتابة تعليق.
مرحبتين يا هلا وغلا يجزاك الله خير عالطريقةمرحبتين يا هلا وغلا يجزاك الله خير عالطريقة
جميعا ي قلبي
كيك♡ :
مشكوره جزاك الله خير كم مقدار الليمون؟مشكوره جزاك الله خير كم مقدار الليمون؟
قطرات متساوية مع ماء الورد لين تتشكل عندك عجينة
الصفحة الأخيرة
يجزاك الله خير عالطريقة