ماسك هلامي طبيعي من الفواكه

بسم الله الرحمن الرحيم

اخواتي الغاليات السلام عليكم ورحمة الله وبركاته

اليوم وبعد ماتوفر الاتصال بالنت ولله الحمد . رجعت لكم من جديد

بس رجعت بشي حلوو بيعجبكم ***** الله
بالبدايه احب اوضح شي لكم اني مجربه كل شي اسمع فيه انه مفيد لبشرتي وبصراحه البعض افادني والبعض خساره فقط ,, قبل اسبوع سويت برنامج خاص للوجه عباره عن كورس بسيط
المستحضرات هي
الاول سنفره للوجه تساعد على التقشير وازالة الخلايا الميته وتوحيد الون اسمها (RICHMOND)
طبعا مو غاليه ب 13 ريال فقط ومتوفره بكل الصيدليات بصراحه روعه تقشر وتنعم
طريقة الاستعمال اخذ كميه بسيطه ووضعها على الوجه كامل ماعدى منطقة ماتحت العيون والمنطقه حول الفم لانها حساسه جدا
وبعد كذا تقومي بصابعك بعمل التقشير ولكن بحركه بسيطه مو بقووه لمدة 5 دقايق وبعدها تحطين المرطب , والمرطب الي استعمله اسمه (DSB otanics) سعره 40 ريال ومتوفر بكل الصيدليات ,,

لكن المفاجئه هي حصلت بالصدفه طبعا ماتوقعونها اكيد
بعد ماسويت تقشير جربت احط الماء الحافض للفواكه المشكله المعلبه اكيد تعرفونها والي ماتعرفها اكيد بتلاقيها بكل البقالات وهي عليه تشبه علب الفول والبازلا المعلبه ,, واسمها قودي goody مجموعة فواكه اناناس وعنب وكمثرا وتفاح وكرز ,, في البدايه انا غامرت بس قلت هذي اشيا طبيعيه ***** الله مانها ضرر وهي تجربه لا اكثر طبعا اول شي طلعت المويه وهي تشبه الهلام بس اخف شوي وحطيتها بعليه وبعد ماسويت تقشير حطيت منه على وجهي كله قبل المرطب طبعا وخليته 15 دقيقه وغسلته بماء فقط وحطيت المرطب

النتايج شد فوري للوجه وتورد للخدود وتفتيح من اول استعمال بصراحه تذكرت مستحضر اسمه بالانقلش سكرت ب 270 ريال اشتريته من قزاز والله العضيم هذا الي حصل
المهم توكلت على الله وجربت اسويه اليوم الثاني واستمريت عليه والحمد لله النتايج روعه

طبعا انا تذكرت شي مهم اني استفد من هذا الموقع كثير ولازم اني اشارك تجربتي معكم وافيد مثل ماستفد والحمد لله كل شي طبيعي .. وبالنهايه اتمنى لكم كل سعاده وربي يتم عليكم الشهر الكريم بالصحه والعافيه وكل عام ونتم بخير



ارجوكم عند النقل تذكرون المصدر والله لا يسامح من لا يذكر صاحبة الموضوع والمصدر