الله يحفظ بناته طيب عودي عيالك على النظافة

برأيي حسب نوع الطفل
مثلا اللي عندها أكثر من طفل ممكن توزع المهام
أنت عليك تجميع الألعاب وأنت تجميع المخلفات ورميها بالزبالة
مثال يعني
تجين بعد شوي تشوفين من سوا مهمته ياخذ نقطة أو نجمة أو أي شي حتى لو كلهم نفذو كلهم ياخذون نقاط
نجي للأخير اللي يجمع مثلا عشر نقاط ياخذ هدية

لو كان طفل واحد ممكن تسوين له نفس الشي جدول لحاله

طيب فيه أطفال ما يهمهم الجدول حطيتي نجمة وإلا بالطقاق
هذا ممكن ينفع معه الحزم والزعل منه واذا جمع أو رتب تبوسينه تحضنينه (عطاء معنوي)

ممكن الحلويات اللي أنتي شاريتهم شاريتهم لللأطفال تخلينها مكافآت وتخبينها اذا سويت كذا بعطيك شوي شوي لين الطفل يتعود يصير مايحب القذارة

ممكن تهددينه بأبوه مثلا اذا كان يخاف منه

ممكن اذا تقدرين أقل واحد جمع نقاط يتعاقب ما يجي معكم رحلة أو يجي بس ما يشتري شي وكلهم يشترون
وياويلك لو قلتي كسر خاطري مسكين شريت له كل أخوانه عندهم وهو لا
ماعاد بيصير كلامك يهمه ولا له معنى
قلتي يتعاقب يعني يتعاقب دوسي على قلبك شوي واتفقي مع الأبو قبلها عشان ما يجي يخرب كل اللي بنيتيه ويدمر السالفة ويروح يشتري له والا يقول مسكين

والأعمال حسب عمر الأطفال خصوصا البنات دخليهم المطبخ حتى لو صغيرة تخبص خليها تغسل مواعين وغسلي وراها
الولد خليه يكنس وكنسي وراه بس عشان يتعلمون عالمسؤولية

الزبدة أخواتي لازم عيالكم يساعدونكم بشغل البيت إلى متى والأم تسوي كل شي كأنها جهاز يعمل 24 ساعة بدون راحة وكلن يمشي ويرمي
واذا الزوج كان متعاون قولي له الله يعافيك ساعدني برفع الفرشة من الأرض ماأقدر لها ثقيلة
طبعا حسب الزوج فيه رجال ما ينفع معهم كذا ابد وممكن يعصب ويقلب البيت على راسك
بس اذا كان متفهم عطيه هو بعد اعمال بسيطة عشان يحس فيك

الموضوع يبيله دراسة وتفكير كل وحدة حسب ظروفها وشخصية عيالها

والله يحفظنا وياكم ويجعل بيوتنا سعيدة

فعلا التعويد من الصغربس في بعض الاطفال يكون عندهم تحمل المسؤليه اكثر بس الاساسيات لازم تعوديهم مثل اول ما يأكل شيء يرميه في الزباله واان وسخ يديه يتعود ما يحطها على ملابسه او يمسح في اي مكان والثياب اول ما يفسخها يحطها في سلت الوسخان وهكذ

لازم الحزم وعدم التهاون مع الطفل واحيانا بلعب مثلا بنوتي متحب ترتب غرفتها وش سويت معها اقول يالله ماما نتسابق انا ارتب المفارش وانتي جمعي الالعاب 123 ونبداء هي تسرعي علشان تسبقني ومصدقه انها سبقت ماما انا فزت انا الفايزه وبكذا نميت فيها حب المنافسه وساعدتني الله يخليهالي جربوا مع اطفالكم يحبوا التحدي والفوز اللي عندها اكثر من طفل تخلي المنافسه بينهم واللي يفوز له هديه بسيطه مثل شكولاته اوتلوين ورسم اذا يحب طفلك وكل شي بالرفق يتعدل دمتمن بود

ههههههههههه والله وانا اقرا بقول في نفسي اي لهجة هذي شامي ونعرف بس هالمرة من وين :27:

الكتابة من الايفون او الايباد ترفع الضغط

وبالنسبة للموضوع لازم المسألة فيها شدة شوي ما اقصد ضرب وصراخ انا اتعامل مع اولادي بالحرمان من الكمبيوتر او حتى اذا طلعنا اخر الاسبوع دائما اكافئ المرتب والنظيف واللي يرجع من الطلعات محافظ على نظافة ملابسه والحمد لله حالهم ماشي وحاليا عندي شغالة بس باقيلها شهرين وتمشي والله يعين اكيد المسؤولية بتتوزع على الجميع

وقبل ما اتزوج وانا ببيت اهلي اتذكر اخواني هم اللي يغسلو ثيابهم ويكووها وغترهم ماكان يعجبهم كويي:44: