ماشاء الله علينا يالسعوديين شجاعه واقدام ومحبه للغير !!

" السلااام عليكم ورحمة الله "
اولا : انا ما اهاجم مجتمعي لكن اوضح مساوئ ولاني فيه شفتها
واكيد موجوده في غيره ولكم مني فائق الاحترام لاني لو بعيش في غيره بختار اليابان :26: اما غيره ما اروح

***********

ليه هالعنوان ؟


&& لان المجمعات والاسواق مليانه حريم يتسوقن وراميات بزرانهم في الملاهي واذا مرره حريصه خلته يمشي جنبها
حلوو طيب وين الكمامه ؟ وين مناديل التعقيم ؟
ما تعرفين ان فيه وباء منتشر عندنا اسمه ( انفلونزا الخنازير ) ؟
ماشاء الله عليك متكله على الله ؟
ونعم بالله سبحانه وتعالى
ما أخرجه البخاري ومسلم عن أبي هريرة رضي الله عنه أن رسول الله صلى الله عليه وسلم قال: (لا يوردن ممرض على مصح
وحديث آخر أخرجه البخاري عن أبي هريرة رضي الله عنه ينفي وجود العدوى ويثبتها في عبارة واحدة، قال النبي صلى الله عليه وسلم: (لا عدوى ولا طيرة ولا هامة ولا صفر، وفر من المجذوم فرارك من الأسد )...

طيب ماشاء الله حتى مع الاحاديث فووق مقتنعه بتصرفك
حلوو
روحي للاسواق لكن ترى عيالك لو جاهم شي بذمتك انت ربة البيت ومسئوله عنهم

وحلوو روحو للعمره
وتعالو سلموو على العجوز والصغير حبه على الخد وانت مقتنعين ومتكلين
وعادي انقلو لهم العدوى
صح ؟؟
يعني انت انسان عادي عندك وتحس انك قوي مررره وتحس انك ماراح تمرض
طيب لاتغلط ثم ترمي اغلاطك وتوزعها على الاقارب


تلاقون في مجتمعات ما يعلمون اصلا انه جاهم !!
ليه ؟
عشان محد يقول : فلان جاه انفلونزا الخنازير
ويطلع ويروح لفلان وعلان والجد والعمه والخال
اهم شي هو محد يكتشف امره !!!
وبالطقاق بالعالم خخخخخخخخخ
حلوه الاخوه هذي صح ومحبة الغير !!

&&&&&&&
تلاقون فيه اللي ماشاء الله بصحته ومقتنع بالعمره الله يحفظه ويرجعه سالم
طيب جيت من العمره لا تطلع الله يسلمك 3 الى 5 اياام تراك ممكن ناقل للمرض ولسا ما باان فيك
تروح لاهلك لامك لاختك لاقاربك وتعاديهم !!
ماشاء الله عليك قوووي مره وشجاع



عربات التسوق :
كم وحده فينا تمسها بديتول قبل تحط عيالها ؟؟
كم وحده تلبس عيالهم كمام ؟
كم وحده تمسح يديهم وهم طالعين من السوبر ماركت عشان لو كانو لامسين شي ؟؟


ترا اهون امور السلاامه سهله وماتاخذ مننا الا بعض الاهتمام
كمام كرتون مع مناديل تعقيم
ونحافظ على عيالنا
مع تجنب اماكن اللعب والخروج من غير اسباب

واظن ان ابتعادنا عن امور السلاامه هي من اول اسباب انتشاره بيننا

لو فيه محبه للغير
كان سكر على عمره والا حط كمام من يجي من مكه اليين يثبت خلوه من المرض

لو عنده ادنى اهتمام كان مسح عربة التسوق

البايع نفسه كم شخص يبيعه باليوم ؟
ليه ما اشوف ولا واحد عليه كمام ولابس قلافز ؟؟


ياليت نحاول مع انفسنا ونجاهدها عشاننا ولو جانا نكون : عقلناها واتكلنا على الله

ولو جانا نقول : انا الحمدلله فعلت السبب ورضيت بقضاء الله

اما نرمي انفسنا ومجتمعنا الصغير العائلي والكبير دولتي للوباء عشان يقولون عني : قوي وشجاع

بالله كم وحده حست بانفلونزا عقب ما طلعت من البيت وابعدت عن الخروج نهاية الاسبوع خوفا على اللي بتختلط معهم ؟؟
والا نطلع ويجينا بداية انفلونزا ونطلع ولا يهمنا احد لا حامل ولا رضيع ولا عجوز ولا قليل مناعه!!

اسفه اذا كلامي قوي لكنه مشاااهد وكثيييييييييييييييييييييييييييييييييييييييييييير

وعني انا موسوسه واتضايق من اللي مهمل
انا حريصه على نفسي وعيالي وتجي وحده عادي عندها ويختلطون بعيالي اتضايق وصراحه اخاااف منها ومنهم

وبصراحه اكبر لو قدر ربي واصاب واحد منهم المرض بسبب اهمال واحد من اقاربي ماراح اساامحه وبدعي عليه وبيتقاضى منه يوم القيامه وبالذات اذا هو مهمل ولاهميته ولا عيالي لانه السبب
اما اذا فعل السبب هنا خلااص ارتاح