ياحبيتي التفريز يوفر لك وقتك وجهدك ويخفف عليك الشغل لدرجة توصل أكثر من
نص الوقت والحوسة تخف 90%

ونظمي وقتك ووقت أولادك وعوديهم يحافظون على نظافة المكان وترتيبه
لازم العيال يتعلمون المساعدة والتعاون وأنهم عليهم جزء من المسؤلية
سواء كان بنت أو ولد

شوفي المنتدى مليان من كل شي يتفرزن
ممكن تجيبين شغالة أهلك أو شغالة بالساعة وإبتدي أنتي وياها
طبعا حددي يوم تكوني مستعدة نفسيا وجهزي مقاضيك ويكون زوجك معزوم أفضل
عشان تاخذي راحتك


عندك البصل حق الطبخ هاتي بصل البنفسجي وقطعيه ناعم طبعا هاتي كيس كبير لا يقل عن 5كيلو
قطعيه ناعم ووزعيه بأكياس صغار مقاس 4 وأربطيهم كويس وحطيهم بعلبة كبيرة
أو كيس كبير وأربطي عليه
عشان ما يضيعون ويتبددون بالفريزر
ووقت أي طبخة تحتاجين بصل سادة تاخذين منهم

هاتي بصل أصفر وأقليه قلي لين يتحمر زي بصل الكشري وخليه ينشف من الزيت وأحفظيه بعلبة بالثلاجة العادية
واستخدميه لأي طبخة تحتاج بصل مقلي
والزيت حق البصل لاترمينه إستخدميه لقلي السمك يطلع خياااااااال

الثوم هاتي كيس وقشريه كله وحطيه بعلبة بالفريزر برضه
وممكن تفرمين الثوم بالفرامة مع زيت وملح وتحطينه بقارورة بالثلاجة برضه مريحة

هاتي طماطم كثير لينة عشان تكون رخيصة وهذا الآن موسمها
هاتيها شوحي لك كمية بصل ناعم وشوية ثوم مع زيت واضيفي عليه كم علبة معجون طماطم
ثم يكون الطماطم معصور
وحطيه عليه وخليه يطبخ على نار هادية لحد ما يصير غليظ
خليه يبرد ووزعيه بأكياس برضه صغار

هاتي الباميا وقمعيها وفرزنيها على حسب أحتياجك
ومثلها الفاصولياء
وأجمعيهم بكيس كبير أو بوكس عشان مايضيعون بالفريزر
الجزر أنا أسوي منه مبشور وجزء عيدان زي عيدان البطاطا شيبسي
كل نوع في كيس والكيس في علبة كبيرة
الفلفل الملون قطعيه بالطريقة الي تحتاجينها انا اسوي جزء جوانح وجزب مربعات
وكل نوع بكيس واحط الأكياس في علبة

طبعا هذا كله للطبخ
عندك الباذنجان أشويه واقشره وأوزعه بأكياس عشان أستخدمه للمتبل
وأهم شي أفرديه بالكيس يعني يصير الكيس كأنه لوح أو بلاطة عشان يسهل يفك الثلج بسرعة
هاتي صدور دجاح وقطعيها حسب حاجتك شي شاورما وشي للمكرونات وشي أفرميه للحشوات
وبرضه فرزنيه بأكياس يكون مفرود بالكيس عشان يفك من الثلج بسهولة

هاتي برضه زبدة وكزبرة وثوم وشوحيههم على النار وأفرديه بكيس وهذا تستخدمينه
كل ما تحتاجي تكسرين من الطرف للطبخ فول مرق أي شي

عندك المعجنات
تفرغي يوم وسوي كل المعجنات
بيتزا كروسون زعتر وجبن وأي فطاير تحبينها حتى السينابون
أخبزيها وبرديها ثم عبيها بأكياس وفي علب كبيرة بعدين عشان تحافظي عليها ماتتكسر



السمبوسة بكل الأحجام والأشكال اللي تحبيها مثلثات أصابع وعبي علب وخلي بين الطبقات عازل نايلون

السبرينغ رول والكبة وورقة العنب طبعا هذولي صفيهم بعلب وبين كل طبقة وطبقة
حطي طبقة نايلون عازل عشان تسهل عليه إخراجها

ورق العنب من غير طبخ طبعا يطبخ في نفس اليوم


طبعا سوي كميات تكفيك أقل شي 4شهور وانتي مرتاحة صح تتعبي يمكن أسبوع
بس ترتاحي مدة ماتقل عن 4شهور
تجلسين مع ضيوفك مرتاحة
مو كل يوم أروح اقطع بصل وأعصر طماطم واقعد أسبك الصلصة وتتجمع علي
مواعين قطاعة وخلاط وقشر بصل وقطع طماطم والطماطم ممكن يخيس ما استخدمته

جيتي تسوين مرق التسبيكة الحمدلله جاهزة بس أطلع الباميا والتسبيكة واطبخ
,إذا بتطبخين معها لحمة لا تطلعين الباميا الا قبل ماتحطينها بشوي بس فقط فكي الكيس وحطي مويا ورشة عصير ليمون أو خل وخليها شويا بالمويا وأغسليها كويس وحطيها على التسبية واللحمة

طبعا لازم اللحم برضه تكوني مجهزته شي للكبسة وشي للمرق والشوربة بالأحجام المرغوبة عندكم

والفطاير إذا جاك ضيوف تكوني مرتاحة كل شي جاهز ما تشيلين هم متى أعجن متى أفرد وأخبز ومتى أضف الحوسة
ومتى أخلص ومتى أرتاح ومتى البس ومتى أجلس مع ضيوفي
يصير بس أطلع واخليه يفك من الثلج وأسخن أما بالمكروويف أو بالفرن حسب اللي عندك أهم شي لو عليها ثلج
شيليه من حواليها عشان مايذوب عليها وتعجن

سمبوسة سبرينغ رول كبة لحم كفتة أوكبة بطاطس كفتة تونة أفخاذ دجاج وأي فطاير للقلي
فقط اشغل القلاية وأقلي
بس علي أرتب بالصحون

أنتي تخيلي كل طبخة كم تحتاج من وقت وجهد وحوسة ومواعين لو كل يوم بجلس
اسويها وهو
بأمكاني أسوي كميات وأرتاح

حتى خبز الفتوش إقليه بكميات واحفظيه بكيس وحطي الكيس بعلبة بالثلاجة
والله ما يتغير


طبعا الطبخ في نفس الوقت أكيد بيكون فريش أكثر بس صدقيني كل الأشياء اللي قلت لك أنا
مجربتها والله ماحد يفرقها
خاصة إذا أنتي طبخك حلو ونفسك كويس بالطبخ

بس نصيحة ابعدي عن كثرة الكمون والبقدونس والكزبرة تخرب النكهة للأشياء المفرزة
يعني أستبدليها بجزر وبازلاء فطر ذرة عشان تعطي لون للحشوات ونكهة من غير ماتغير الطعم

ياللا إذا جاز لكم ردي لاتنسوني من خالص دعواتكم الطيبة بتفريج أموري كلها وامور بناتي

دام عندهم شغالات اكيد يلحقون يسوون كل ذا
دام فيه شغاله شايله شغل البيت
واحيانا شغل المطبخ
وتصحين والمطبخ نظيف
وبزران كل ماحاسو فيه احد ينظف وراهم
حتا لو صحو الساعه 4 العصر
عندهم وقت للطبخ والابداع مشاء الله الله يهنيهم ولا يظرهم يارب
اكيد بيصير لي نفس اشتغل واطبخ وابدع بس
اللي مثل حالاتنا الله يكون بعونهم
زوج
واطفال
وبيت
وطبخ
وعناية بنفسك
وطلعه
ماااااش مافيه مجال

بالعكس انتم ليه معقدين حياتكم. غسلو ورتبو ونظفو في الليل اذا نامو عيالكم ورجالكم طالعين. وفي النهار ناموا وواطلعو العصر والمغرب. وبعد العشاء ارجعو كملوا شغل. والي تبي تفرزن لرمضان


اذا الغساله. توماتيك. والمجففه تساعد. والكنس كهربائيه وش تسوون اجل

هدوء الليل الله يوفقك انتي وبناتك ويصرف عنك كل شر صااادقه في كل كلمه قلتيها اذا الوحده ارتاحت من الطبخ والمواعين طااح نص الشغل

لا تصدق كل ماتسمعه او كل ما يقال لك اغلبه هياااط بهياااط انا اللي اعرفهم حقين خرجات وبس عباتها على راسها تلاقين بيتها وعيالها يجيبون الهم واهمال بالنظافة وبكل شيء الا بخرجاتها واناقتها الا اذا كان عندها شغالة وموليتها كل شيء عيال وتنظيف وطبخ هذا شيء ثاني