ماشالله عليهم يهبلون

السلام عليكم ورحمة الله وبركاته

امس ودينا العيال الحديقه
ولعبو وانبسطو
بس اذونا كل شوي واحد يشكي من الثاني
مره تجي البنت تقول ماما شوفي اخوي دفني
ومره يجي الولد يقول بابا شوفي اختي ماتبغاني امشي معها هي وصحبتها

وشوي ويتعرفون على بنت وولد اخوان هم عكس عيالي الولداكبر من البنت
انا عيالي البنت اكبر من اخوها
المهم ماسك اخته بيدها قال يالله نلعب سوا يقول لعيالي واتفقو يلعبون مع بعض
الى الان عادي
بس اللي لاحظته خوف الولد على اخته خوف مو طبيعي وواهتمامه فيها
في الزحليقه يمسك يدها ويطلعها
ولما زحلقت شوي مالت جا زي المجنون ومسكها ووقفها
شوي يناديها بسومه تبغين مويه اجيب لك وهي تقول ايوه وتروح تركض لعنده
وشوي تحك عينها يجي يطالع فيها قال وش فيك قالت مدري وش دخل فيها ويجلس يطالع بعينها ويمسحها
البنت ثاني والولد خامس
يااااااااااامحلاهم الله يحميهم لاهلهم ماشالله تبارك الله
كيف يخافون على بعض ويحبون بعض بالذات الولد
عكس عيالي بس يتهاوشون صدعونا
عاد في البيت شي ثاني البنت ملقوفه والولد يضربها
والله تمنين عيالي زي هذولا العيال
طبعا البنت مافيها شي لاتفكرونها مريضه بس كذا يحبون بعض الله يخليهم لبعضهم
نفسي اعرف كيف تربو كذا
كيف اخلي عيالي يحبون بعض
ويهتمون ببعض
بدل مو كل يومهم وهم يتضاربون وياخذون اغراض بعض
واذا رحنا للناس البنت تسوي حزب مع البنات وتطرد اخوها مايجي معها
والولد نفس الشي مايدري عن اختها الحين تعرفون وش يسون
اختهم الصغيره صحيت والاثنين تضاربو عليها كل واحد يقول سبقتك انا باخذها