شكرا

وعليكم السلام ورحمة الله وبركاته ..

ماشاء الله على الأفكار .. بصراحة كتير من افكاري ذكرت لكن فيه كم فكرة ماشفتها مكتوبة ..

مثلاً استخدمت علب سندوتشات الكودو في تقسيم ملاعق الضيوف والمغارف ..

كمان استخدمت علبة عصير المرعي الصغيرة في معطر الحمام ( الطريقة موجودة هنا في القسم اليي تخرمي العلبة بالإبرة وتعبيها صابون العملاق الجل وتحطيها في السيفون)..

كمان علب الشاهي البيضا اليي يجي فيها اكياس الشاي حطيت فيها تولات العودة والعنبر وكمان مساحات وبرايات ولدي الصغير ومفاتيح وقرنبع ولدي الكبير .. المهم قسمت بها الأدراج ..

كمان علب آيس كريم جمجوم الكبيرة قسمت بها الفريزر .. حطيت فيها اكياس اللحم المفروم والكرات والشبت المجمد ..

فيه علب جاهزة اشتريتها هي خاصة بالصور الفتوغرافية وشلت فيها اشياء كتيييييييييير منها اشرطة الفديو وادوات تغليف الهدايا والمقصات والألوان ..

كاسات بلاستيك تكسرت وصارت تشر منها الموية اعطيتها بنتي لونتها وحطيت فيها اقلام للمطبخ واقلام غرفة الجلوس ..

فيه اشياء مذكورة زي البخاخات وعلب الشامبو الضغاط احط فيها صابون الصحون وجالون الخل اللأبيض حطيت فيه خلطة مسح الأرضيات موية وشوية من جل العملاق عشان اكب في السطل وامسح بدل من كل مرة ادوب في الجل ..

فيه سلة الجرايد خليتها للملابس اليي تحتاج خياطة وتعديل وكل كم اسبوع اشوف اش قابل للتصليح ..

الصراحة العلب نعمة واجب علينا حفظها ..

في الأخير أي علبة تزيد ما استخدمها زي جوالين الحليب واللبن البلاستيك وعلب اللبنة واللبن الزبادي والعلب المكسرة والمفعقة والسايحة وعلب الذرة والتونة والسريلاك أجمعها كل نوع لوحده في اكياس بلاستيك واشيلها لجوزي يوديها لمصنع العلب وفيه شركة هنا في جدة تجمعها وتوزعها على المصانع وتستخدم الفلوس في المشاريع الخيرية زي كفالة الأيتام والطلاب .. ( ترى عمره ماوداها وصارت عندنا أكوام وشكلي اشوف لي واحد من اليي يجمعوا علب الببسي ياخدها واريح راسي )

ماشاء الله

جزاكم الله خيييييييييييييير

انا اعبي علبة البلاستيك الصغيره بجل العملاق واثقب العلبه ثقوب اصغار وارميها بالسيفون وكل ما اسحب السيفون يتعقم الأفرنجي وريحه حلوه وغرامي البخاخات احط ديتول وكمفورت وماي وابخ الأرفف وامسح