الشيرة كانت من الاشياء الي تتعبني عند استخدامها:06:
اصبحت اغسل زجاجات الخل واعبيها شيرة طبعا العلبه جودتها ممتازة وتنحط بباب الثلاجة وما توسخ عند الاستخدام وشكرا..

الاكياس اللي من المغسلة استخدمها بعد تنظيف مجالس الضيوف أغطي فيها الكنب حتى مايتغبر ويتغير لونه وبكذا اول مايجيني الضيف على طول اشيلها

وكذالك أقصها واصفطها وناكل عليها بكذا نوفر نايلون السفرة

بعد تنظيف اسطح الدواليب العلوية للمطبخ اغطيها باكياس المغسلة والصقها من الجوانب بلصق شفاف وتظل كذا شهر نظيفة الاسطح بس اشيلها واركب جديدة

كراتين المراعي استفدت منها وهذه الطريقة لعضوة بالمنتدى الله يجزاها خير جلدتها واستخدمتها لحفظ المعلبات الغذائية جدا انيقة ومرتبة


علب البخاخ

علبه بخاخ حاطه فيها كلوركس ومخفف بموية بتعقيم اسطح المطبخ وارشه على المجلى لازالة الروائح وللحمام بعد الشطف الاخير جدا ممتاز واي بقعة على الجدار مجرد ترشيه تروح على طول بس انتبهوا من الاطفال يلعبوا فيه

علبه بخاخ حاطة فيها كمفورت الى النصف والباقي ماااء استخدمها للكوي تعطي الملابس رائعة ونعومة تجنن وممكن استخدمها على الفرش والكنب وشراشف النوم تعطرها وتصير الريحة تدوخ


علب الجزم اجلدها بتجليد أنيق واضعها في دروج التسريحة وحدة للفافات الشعر والبنس والثانية لأدوات العناية بالاظافر والمناكير ووحدة ووحدة لمنظفات الوجة والعناية بالبشرة ووحدة للكريمات ومعطرات الجسم والبودرة





اتمنى افكاري تعجبكم واذا تذكرت شئ رجعت لكم

افكاااااااار جنان ماشاء الله لا قوه الا بالله انا استخدم علبه الزيت لما تخلص واحط فيها زيت القلي لانو يعدم المغسله....وملوحظه يابنات زيت القلي الافضل انو لايستخدم اكثر من مره لان كثره لان للزيت درجه حراره معينه ويوجد فيه روابط مشبعه فبزياده التسخين تكسر الروابط وكل مااستخدمتي الزيت المقلي اكثر من مره ومع الزمن لاسمح الله يسبب سرطانات الله يحمينا واياكم ..ع فكره هذه المعلومه درستهافحبيت افيدكم فيها.

الله يجزاكم الجنه استفدت منكم وحبيت افيدكم


استفدت من علب المايونيز الكبيره ... اغسلها ... بعدين احط ليمونه مع ماء او ملعقة فانيلا مع مويه ... واخليها لمدة ساعه

ثم اغسلها .... عشان ريحة المايونيز تروح .... ثم جبت السفرة حقت الاكل او نسميه السماط .. الفها على شكل سمبوسه او

رول صغير وامسكه بمغاط عشان ماتنفك .... واحطها جوا علبة المايونيز .... عشان اوفر مساحة السفرة لانها تكون رول طويلة وتاخذ مسافه

والعلبه الثانيه استخدمتها للفحم الصناعي ... لانه اذا بقى بالكرتون يصير شكله موحلو بعلبه احلا


الله يستر عليكم

والله انا ماحب ارمي شيء خاصه علب الجبن الزجاج وعلب ورق العنب احطها للمخلل او اي زيادات عندي ابدخلها الفريزر مثل الحشوات وغيرها