مرحبا خواتي وحبيباتي بنات عالم حواء.. في قلبي اشياء وايد ابي اقولها بس مب قادره ومن جم يوم وحالتي النفسية تعبانه وكله اصيح.. السالفه يا خواتي انا تزوجت ابن خالتي وتزوجنا عن حب من الطفوله اهو بديره وانا بديره ثانيه وعلشان خاطره رضيت اني افارق اهلي وخواتي وبلادي..
وكان يحن بطريقه فضيعه على اليهال وراح وحلل وطلعت النتيجه انه احنه ما نقدر انييب اطفال الا بعمليه اطفال انابيب والسبب منه.. انا وقفت معاه وقلتله هاذي كتبة رب العالمين ومافي شي بعيد عن الله واحنه نصبر ونشوف والله انه الدمعه بعيوني وانا اكتب الحين.. لكن اهو نفسيته كلش مب زينه ما يستحمل اي كلمه الحين اول مرة من تزوجنا يترك الحجرة ويروح ينام فوق في حجرة اخوه ومرة كان باقي اشوي ويمد ايده علي ما قدرت انفجرت من الصياح والصراخ جدامه وانا اقوله حرااااااااااااام عليك حرااااااااااااام نفسيتي خلاص.. تقريبا الحين اهو راضاني لكن ما ادري ليش في داخلي حزن عميق يقولي هالانسان الي انا سويتله كل شي هاذي اخرته يعاملني بهذي الطريقه احس بحقد عليه احس اني ما ادانيه وكارهته من علشان سالفة اليهال لانه هالشي بيد رب العالمين لكن لانه تصرفاته صارت فظيعه يبيني انا الي اراعيه وبس كله يقولي حافظي علي ولا تعورين قلبي انزين وانا مالي قلب مالي احساس..
ابي احد ينصحني وابيكم تدعونلي ويزاكم الله خير
فيروزه 1 @fyrozh_1
عضوة نشيطة
يلزم عليك تسجيل الدخول أولًا لكتابة تعليق.
zOOna
•
حبيبتي.... سبب معاملته لك بهاذي الطريقه هو الضغط اللي يحس فيه بسبب موضوع الأطفال..
فأنتي دايما حاولي انك تحتوينه وتكلمينه بهدوء (بس مو بعطف وشفقه!! عشان لا يزيد)
لا تجيبين طاري الاطفال جدامه ... على الأقل في هاذي الفتره
وبعدين توكم 6 شهور.... من اللي حكم انكم ما تقدرون تنجبون؟ المعروف ان الأطباء ما يفتون في هذا الموضوع قبل مرور سنه من المحاوله
لا تصدقين أي كلام،، وراجعي أكثر من طبيب،، ولا تيأسين من رحمة الله...
واستمتعي بحياتك الجديده..... حرام أحلى أيامكم تضيع بهالطريقه
فأنتي دايما حاولي انك تحتوينه وتكلمينه بهدوء (بس مو بعطف وشفقه!! عشان لا يزيد)
لا تجيبين طاري الاطفال جدامه ... على الأقل في هاذي الفتره
وبعدين توكم 6 شهور.... من اللي حكم انكم ما تقدرون تنجبون؟ المعروف ان الأطباء ما يفتون في هذا الموضوع قبل مرور سنه من المحاوله
لا تصدقين أي كلام،، وراجعي أكثر من طبيب،، ولا تيأسين من رحمة الله...
واستمتعي بحياتك الجديده..... حرام أحلى أيامكم تضيع بهالطريقه
لا يمكنك مشاهدة هذا التعليق لانتهاكه شروط الاستخدام.
ماعليه يالغالية تحملي شوي وربك كريم هو نفسيته تعبانة فحاولي تضغطين على نفسك شوي لين ما تخف الأزمة لاتخسرين زوجك اللي حبيتيه وحبك علشان ضغوط خاصة انكم في بداية زواجكم فبتخسرين أكثر وأكثر توكلي على ربك والعلاج سهل إن شاء الله
العاملة اللي عندنا في الدوام تخيلي لها تسع سنين متزوجة وربي رزقها الحين بالشهر الخامس وبدون علاج ولا شي
الغالية مهاد بس حبيت أقولك شغلة يالغالية سمعت من شيخ إن العبارة (بين الكاف والنون) من الإخطاء الشائعة لأن الله سبحانه يقول للشيء كن فيكون فالصحيح بعد الكاف والنون والله أعلم
العاملة اللي عندنا في الدوام تخيلي لها تسع سنين متزوجة وربي رزقها الحين بالشهر الخامس وبدون علاج ولا شي
الغالية مهاد بس حبيت أقولك شغلة يالغالية سمعت من شيخ إن العبارة (بين الكاف والنون) من الإخطاء الشائعة لأن الله سبحانه يقول للشيء كن فيكون فالصحيح بعد الكاف والنون والله أعلم
اصبري عليه انا حاسة انك وايد متضايقة من تصرفاته ولك الحق بس هو مجروح وجرحه بيطيب ولو لا قدر الله رحتو لطبيب ثاني وقال نفس الكلام فاحمدي ربك ياعمري ان في امل مع الانابيب تخيلي غيرك اللي ما عندهم امل نهائيا
وهو لا زم تتفقين معه بهدوء انه لو انقلبت الدنيا ما في واحد منكم يقوم من على السرير لو ينام وهو معطيك ظهره
والله يفرج همك
وهو لا زم تتفقين معه بهدوء انه لو انقلبت الدنيا ما في واحد منكم يقوم من على السرير لو ينام وهو معطيك ظهره
والله يفرج همك
الصفحة الأخيرة
ماعليكم من كلام الأطباء .. وبعدين انتم في بداية زواجكم .. كيف يحكم الطبيب عليكم بالعقم وانتم لسا لكم 6 شهووور .. ؟؟؟
اتفقي انتي وزوجك انكم تتصدقون كل شهر .. وداوموا على الأستغفار ..
وعليكي بقيام الليل وقراءة سورة البقرة .. وان شاءالله الفرج قررريب
الله يرزقكم الذرية الصالحة ان شاءالله مانتم محرومين ..