ماصديقنا إلا أنّا << دعوه لمصادقه أنفُسنُا
بنات ساعدوني مدري وش أسوي
اليوم زوجي زعل مني ولاادري وش اسوي
شوروا علي
بنات صديقتي تحكي فيني وانا كشفتها
ولاادري وش اسوي وش رايكم وش اقول لها ؟
بنات ساعدوني بلبس كذا وكذا
وش يناسب البس مع اكسسواريز اطلع على الموضه ولا مو ستايل ؟
والخ من الأمثله إلي مااحنا خالصين منها
اول شي وقبل كل شي السلام عليكم ورحمه الله وبركاته
ثانياً هذي أول طله لي في قسم الحياه الاجتماعيه ..
وحبيت أتكلم عن شغله أشوفها زادت عن حدها في الفتره الأخيره
وقبل ماابدأ حطوا فبالكم إني مو ضدكم
بالعكس روح الأُلفه المتواجده بين البنات أكثر من رائعه
وفعلاً تحسسونا إن أنتو خواتنا مو بس عضوات
لكن ياحبيباتي ياحلواتي حلو لما تكون الوحده صديقه نفسها قبل ماتلجى لغيرها
مو كل شي ينحكى فيه
غلط نسمح لكل الناس يتشاورون في أمورنا ومشاكلنا
كأنها مُشكله عامه وليست مشكله خاصه بي وحدي
تعالوا نحكي بتفصيل شوي
في الحالتين الأولى والثانيه هذي برائي أكبر غلط
سوء مع زوج مع صديقه مع أخت مع أهل
أنتبهي تشاركين الجميع بمشاكلك من بدايتها
صادقي نفسك إذا صارت لك مشكله
حللي المشكله على انها مو لك لصديقتك
وأنتي أنصحي نفسك على إنك صديقتك
طيب ليه أقولكم حلوا مشاكلكم باانفسكم؟
لان المشكله مهما كانت تافهه
عافطفتنا تخلينا نشوفها كبيره في بدايتها
وتخلينا نعظم الامور ولما نروح ونحكي لغيرنا
يزيد هالاحساس داخلنا لما يتعاطف معانا الي نحكي له
وممكن يزيد أكثر إذا مثلاً الشخص إلي تحكين له
بدال مايهونها عليك يزيدك بتعاطفه الزايد
عندك مشكله؟
اول شي أجلسي مع نفسك إلى تهدين
وحللي المشكله على انها مشكله صديقتك وطالبه منك حل
هديتي؟ بديتي تشوفين الامور بشويه هداوه؟
الحين يجي دور الطرف الثاني بالمشكله
لان القصه ماتكمل إلا إذا أنسمعت من طرفين
روحي للطرف الثاني من المشكله
وعاتبيه بهداوه وفهميه كل إلي فهمتيه وكل أحاسيسك
وعطيه فرصه يبرر موقفه ويفهمك وجهه نظره بالموضوع
ولك مني وعد بتنتهي السالفه ولاكأن شي صار
طيب لنفرض أنتي أنسانه ماتقدرين
لازم تفضفضين وماتقدرين تصبرين
في هالحاله أختاري الأنسان إلي بتشكين له بدقه
شخص ثقه وينظر للأمور بعقلانيه مو بعاطفه
لازم يكون شخص تثقين باانه ممكن يقولك انتي غلط لو كنتي غلط
وممكن يوبخك على غلطك مو شخص يأزرك من باب العاطفه ليس إلا
مثل هالشخص حلاته يكون من الأهل
طبعاً الاصدقاء نعمه من نعم الحياه لكن الأهل هم الأهل
ومااحد يخاف عليك وعلى سرك كثر أهلك
ولكن برضو مازلت ماانصح تدخلين طرف ثالث بالمشكله
إلا إذا كبرت المشكله وخصوصاً إذا هي مشكله عاديه
أما المشكله الثالثه
هي مو مشكله كثر ماهي حاله
وأستغرب أعتماد بعض البنات على بعضهم لهذي الدرجه
أوكي كلنا نبي الزين كلنا نبي نكون مرتبين
لكن مو معناته ألغي شخصيتي وأمشي على راي البنات
وأصير كوبي منهم
كل بنت لها شخصيتها واسلوبها باللبس
يميزها عن غيرها ممكن يكون البساطه
ممكن يكون التكلف ممكن يكون الترقيع
كل وحده لها لمسه تختلف عن غيرها
ليه تمحين لمستك بس علشان تصيرين زيهم
خليكِ زي ماانتي
حبي نفسك حبي ستايلك خليكِ واثقه من نفسك
لاترضين تكونين دُميه البنات يلبسونها على كيفهم
أوكي اسئلي وش دارج ووش أحلى
وخذي إلي يعجبك وخلي الي مايعجبك
بس لاتعتمدين أعتماد كامل على البنات سوءً هنا أو أختك أو قريبتك أو أياً كان
خلي عندك ثقه في ذوقك وفي لمساتك
خُلاصه الكلام :
عودي نفسك تكونين أنسانه مستقله بقراراتك وتصرفاتك
تصرفي على طبيعتك خلي داخلك يدلك عى الطريق الصح
أنتي بكره بتكونين أم وزوجه وجده وأنسانه يُعتمد عليها أعتماد كلي
وهالاعتماد مايجي بيوم وليله هذا لازم تزرعينه داخلك
إتمنى طلتي تكون خفيفه على قلوبكم
سبحانك اللهم وبحمدك ، أشهد أن لا إله إلا أنت أستغفرك وأتوب إليك
مما راق لي :42:
يلزم عليك تسجيل الدخول أولًا لكتابة تعليق.
والله يوم زعلت من صديقتي عمري وحبيبت قلبي قلت في نفسي ((ماصديقي الاانا )).. وفعلا اكتشفت ان ماصديقي الا انـــــــــــــــــــــاا
الصفحة الأخيرة
وعاتبيه بهداوه وفهميه كل إلي فهمتيه وكل أحاسيسك
وعطيه فرصه يبرر موقفه ويفهمك وجهه نظره بالموضوع
ولك مني وعد بتنتهي السالفه ولاكأن شي صار
واذا الطرف الثاني مايعرف يتفاهم ومخه مقفل وماينفع فيه شي !!
طيب لنفرض أنتي أنسانه ماتقدرين
لازم تفضفضين وماتقدرين تصبرين
في هالحاله أختاري الأنسان إلي بتشكين له بدقه
واذا ماعندك شخص ثقه تفضفضين له وتبين مشوره من حكيم وهالحكيم راح مع زمن الحكماءوتبين الرأي السديد والقلب الحنون والشخص اللي ينصحك لوجه الله مو حسد !!
عفوا اختي ليس تشااؤوم ولكن هذا الواااقع الامن رحم ربي على العمووم موضوعك جميل تحيااااتي