untitled

untitled @untitled

عضوة نشيطة

ماصرت اعرف أتكلم زين او ارد !

الأسرة والمجتمع

مرحباً بنات،

الفترة الاخيرة لاحظت على نفسي:
١) اني ماصرت اعرف أتكلم زين او اسرد السالفة بشكل مرتب.
٢) ما اعرف ارد زي الناس.
٣) اجامل الناس.

انا لي ٣ سنوات من يوم ما طلعت من وظيفتي ومع انشغالي باطفالي الصغار قلّت طلعاتي واحتكاكي بالناس.. صار يمر اليوم بدون ما اسولف مع احد..

واللي يقهر اني صرت ما اعرف ارد على اللي يغلط علي او ينفخ كأني نسيت الكلام !

وانا برضو حساسة يعني سهل انجرح..


اليوم صار موقف ..

دخلت على دكتوري الاستشاري اللي كنت أراجع عنده طول الحمل وكان معصب وشكله يبغا يحط حرته فيني وقال لي لازم تنحفين (وانا اصلا كنت ناحفة كثير بعد الولادة) قلتله اي انا جالسة انحف.. قال لا اقصد تنحفين كثير ٣٠ او ٤٠ كيلو (وكان باين من أسلوبه انه بس كذه معصب ولا لو نحفت ٤٠ كيلو بيصير وزني وزن طفلة!) انا سكت وبعدين ندمت المفروض اناقشه وأقول له على اي أساس حددت ذا الرقم لانه ماقاس وزني حتى.
يوم طلعت من عنده ضاق صدري لاني دايما كذه وقت الموقف ما اعرف ارد او أتكلم خاصة لما انجرح وكان من حقي اني أتكلم خاصة انه فشلني قدام الممرضات والاخصائية..

ولاحظت لما يصير موقف زي كذه مااركز على الكلام اللي انقال لي .. وأركز على الأسلوب والجو المحيط.. وأحاول انهي الموضوع بدون لا ارد او أتناقش حتى لو معاي الحق..

موقف ثاني..
اليوم تأخر علي السواق ولما دقيت عليه سألته بأدب اذا هو بيوديني.. نفخ علي وقال انا بالطريق.. وانا وقتها قلت طيب وكان ردي رد وحدة مسكينة .. ندمت بعدها اني ما نفخت عليه او سكرت بوجهه..
صدق زعلانة من نفسي دايما اعتبر نفسي الغلطانة وما استوعب ان اللي قدامي أساء لي.

ودائما في الأماكن العامة (مثل المشغل .. المستشفي .. الدوام الخ) اعتبر اللي قدامي صح.. يعني لو وحدة جتني وقالت لي ليش سويتي كذه؟ (وانا ما سويته) أصدقها ومااعرف ارد واحس اني غلطانة .. واحس مخي يتوقف عن التفكير وعن التصرف المناسب..

المشكلة يا بنات اني انسانة متعلمة وذكية وفاهمة وواعية وشخصيتي حلوة مو ضعيفة شخصية بس ليش صايرة كذه؟! احس اني أعطي المجال للي قدامي انه يغلط علي!

شكراً مقدما لكم.
13
20K

يلزم عليك تسجيل الدخول أولًا لكتابة تعليق.

تسجيل دخول

يا طول صبري
يا طول صبري
اتوقع انك تسولفين مع نفسك كثير و تفكرين دايما
زمان فااات
زمان فااات
زي حالتي مرات ااجلس مع ااهلي وواسمع لية ماطبختي ومااعرف اارد ووااتذكر في الثانوي يقولون لية ماتستشوري شعرك وومااارد ااكون متنحة في البنت وواسكت ووصديقتي تقول لية ماتحطي مكياج وواسكت

ماعرفت هل في غباء ووماااتصرف زين
ميس
ميس
كيف كنتي قبل ؟؟ كنت جريئة و تردين و الحين صرتي العكس !!
على العموم مب لازم تردين على كل من هب و دب و تحرقين اعصابج كل واحد له ظروفه و ممكن تكلمينهم بعد ما يهدون مثل سواقج هذا .. هي اول مرة يعني يسويها ..
بس سالفة انه يتهمونج بشي ما سويتيه و تسكتين هني عاد لا ... لازم تردين و تدربين نفسج على الرد ،
انصحج اختي بالتعارف على الناس اللي قراب منج جيران ، تواصلي مع صديقاتج القديمات او تعرفي على صديقات جدد .. ما يصير كله حابسة نفسج في البيت مع العيال
حساسة وقلبي الماسة
@يا طول صبرري
التفكيير الكثير والكلام مع النفس ممكن يأثر لدي الدرجة
شما الحنا
شما الحنا
هذا لانج انعزلتي عن الناس من بعد ما تركتي الوظيفة ..لما تختلطي بالناس يصبح جووك غييير و تجاربك غيير ..و لما تنعزلي ببيتج مهاراتج الاجتماعية مع الايام تقل