nono2013 :

هههههههههههه ذكرتيني الله يسعدك في زواج اخوي وانا كان عندي يمكن 11او12سنه عاد في الزفه اخوي الى اصغر مني كان معه كمره فوريه الله على ذيك الايام ويصور العرسان اناعاد من الوناسه والثقه الزايده ببرستيجي قلت تكفى صورني كان يلقط لي ذيك الصوره وانامبتسمه ويعطيني ايها وانابتششق من الوناسه يمكن اول مره اتصور مدري المهم يوم طالعت في الصوره وتجيني ذيك الفجعه بسم الله الرحمن الرحيم معقوله هذي انا والله من الشين والشعر شي ماشاءالله جايكم على جميع التموجات والكيرلي واللون الي الحمدلله قلب اسود مدري وش قلبه ولا يفوتكم لابسه طقم ذهب الي يجي ماسك فوق من عند الرقبه ونازل على تحت والله مدري امي وينها عني يوم لبسته شكلى احب الكشخه من وانا صغيره ولا والناس دايم تمدح فيه ماشاء الله عليها ماشاء الله عليها مزيونه ويوم شفت الصوره وانا تجيني صدمه ماودي احد يشوفها ماصدقت على الله نوصل البيت وانا اشققها وارميها خفت يشوفونها ويغيرون رايهم في وحده اخذه مقلب في نفسها وبعدها حرمت التصوير اذا قالو تكفين صوره للذكرا طرت في بالي هاك الصوره الله لايعيدها وبطلت لاتجيني واحدتن تحطمني زياده خليني على المرايه وش حليلها ماتخرع وعلمي وسلامتكم

هههههههههههه ذكرتيني الله يسعدك في زواج اخوي وانا كان عندي يمكن 11او12سنه عاد في الزفه اخوي الى...