ماطلبت منك تدخليني موضوعي ؟؟؟

الأسرة والمجتمع

وأخـــــــــــيرا قابلتكم ي اعضاء الحياه الأسريه السعيده :25:

ابي أرتكب فيكم جريمة خخخخخخخخخخخخخخخخ

من زمان أدخل هالقسم وقت الفراغ وانتقل من موضوع لاخر فقط من أجل الفضول"

وكنت دائما اطلع بنتجتين لاثالث لهما : )


النتيجه الأولى : تغسلون مخي وتشككوني بحياتي وكل وحده لها راي أدخل أنسانه وأطلع وحده ثانيه م اعرفها وات از ذيس :lookaroun
لــهالدرجة المراءه سريعة التأثر من غيرها ؟


النتيجة الثانية: اتعجب صراحة من ؟؟


زوجي قالي.....

ام زوجي سوت......

انا في ورطة.......

مصدومه من ......

الحقوني......


نهائيا ما استحقر مشكلة أحد (واسئل الله ان يفرجها على الجميع ويسعدهم سعادة لاتنتهي ويبلغهم بسعادتهم الجنة)

لكن انتي عارفه على مين تطرحين مشكلتك ؟؟؟
على انسانه مثلها مثلك ، غير كذا كل انسان عاش حياه مختلفه وله راي مختلف ، انسان منصدم من الحياه وصار سلبي، انسان منفتح ووو الناس اجناس ليه تاخذين نصيحة كل من هب ودب؟

انا مثلي مثلكم انسانه اصادف ما الله به عليم ، ما اروح لفلانه وعلانه واشكي عليهم، لاني ما احب ابين ضعفي لا احد ولا احب احد يشفق علي وغير كذا ايش بيدينهم اما نظرة شفقه او سخريه ؟؟


اذا ضاقت بك الوسيعه وصكت عليك وما احد حولك ابسطي سجادتك فهناك من يراك ويشعر بك وينتظرك تطلبينه ليغدقك بالخيرات هناك رب كـــــــــــــــــــــــــــــــــــــــــــريم عظيم
يستحي ان يردك ..سبحان ربي ما اكرمه لكننا غافلين جدا من هالناحيه

نصيحه اخويه جدا اشكي لربي وانتي بسجادتك فضفضي له ثم ابكي وابكي واببكي
مايفيدك لامنتدى ولااتصال ولاشكوى
اي شي كنتي بتقولينه للبشر قوليه لرب البشر وابشري بالخير وانشراح الصدر ،ادعي ربي بيقين انه بيجيب دعوتك ادعي ربي واستشعري انه ينظر اليك لا إله إلا هو
يملك خزائن السموات والارض وهو على كل شيء قدير،، يستطيع اسعادك ورزقك بالمال والوظيفه والذريه والخير وراحة البال وتيسير الأمور وانجلاء الاحزان وكل ماتريدينه او تحلمين به الله يقول له كن فيكون لا إله الا هو سبحانه..



همسة أخيره:

على كل حال لسنا في الجنه لكي نسعد سعاده ابديه فهذه دنيا فانية وكل مايصيبنا فيها تكفير للقاء الله بلاذنوب بإذنه تعالى &


مع كل حبي وتقديري
29
3K

يلزم عليك تسجيل الدخول أولًا لكتابة تعليق.

تسجيل دخول

واتساب
واتساب
 والنعم بالله ماخاب  من دعااه 
 الله يجزااك خير 
المهاجرة لربها
المهاجرة لربها
بارك الله فيك
نور عيني بنوتتي
نور عيني بنوتتي
جزاك الله خير
فهده ال عنزي
فهده ال عنزي
جزاك الله خير
بس مرات الوحده محتاجه تفضفض لو عشان ترتاح وتسمع اراء تهون عليها مصيبتها
مممكن هالمشكله ماتقدر تقولها لاخد قريب الغريب يجلب الراحه
ميموشاااا
ميموشاااا
كلامك صح و ع العين و الراس
بس احيانا ترا والله تصك الدنيا في وجه الانسان
ويحتاج يتكلم و يشوف رأي غيره
انا كنت اكتب مواضيع ولازلت
بي وربي بعدها اندم مو لأني استشرت البنات لا بس لاني تمنيت اني سكت وصبرت ولا قلت

الله يفرج ع الجميع