الله يسعد مسائكم بنات انا عندي مشكله بصراحه ماعرفت احلها وقلت مالي الا اسجل واعرض مشكلتي مثل ماهو واضح من العنوان بالبدايه انا جتني ظروف صعبه بحياتي قويه وطلعت منها وعديتها وماكان عندي سناب مابي اذكرها عشان ماطلع من الموضوع الاساسي حملت برنامج السناب بعد ماتجاوزت الظروف وكنت ماضفت الا صديقاتي بس بعدها كل شوي وحده من قرايبي تطلب سنابي وماتتجرا تطلب خواتي عشانهم يقولون حنا مانحدث وهم يصرفون وانا ماعرف اقول لا انا اخبركم ليه يطلبون سنابي مافيني زود عن قرايبي لا ماديا ولا طلعات حالي حالهم بس مرات اصور لقطات كانها بكاميرا احترافيه مرات اصور بعفويه وبساطه جدا يعني ع قوله اللي ياخذون سنابي ممتع ومتنوع واذ طلعت حفله اسوي تغطيه كامله يروح الوقت وانا اصور سناب ادري غلط بس مانزلت هالموضوع الا ابي نصايح العقلاء المشكله ان قرايبي راعين هرج بـ هرج وسوالف وهم اصنام مايحدثون الا كوب قهوه وماعرف عن حياتهم شي وان شدوا حيلهم حدثوا صوره الغروب وبعضهم عرفت انهم حاطين علي تخصيص انا مابيهم معي يقولون مالا يرتاح له قلبك لاتثق به
صح انا ماعمري طلبت سناب احد من قرايبي ابدا ماهو غرور بس انا مارتاح بس هم يحرجوني تجي تفتح جوالها تقول عطيني سنابك مره قلت لوحده ماحدث سكتت بعد اشهر جت قالت عطيني سنابك
خلونا نكون صريحين وكل وحده تقول وجهه نظرها بالسناب وكيف تحديثاتك فيه بدون تجريح وكلام ماله داعي انتم لو حطيتوا نفسكم بمكاني ضفتيهم وتورطتي وش التصرف اللي مناسب وماراح يزعل احد انا والله مابي اسبب عدوات مع احد اعرفه عشان برنامج
المها الشمري 900 @almha_alshmry_900
عضوة جديدة
يلزم عليك تسجيل الدخول أولًا لكتابة تعليق.
لا يمكنك مشاهدة هذا التعليق لانتهاكه شروط الاستخدام.
والله ودي ياقلبي تكون ميانه بس ماهم كذا تخيلي باعطيك سالفه والله صارت قبل شهر عمتي تهاوشت مع زوجها وجت عندنا عند ابوي عشانه اكبر واحد شهر جلست جت وحده من اللي اقولك يطلبون ويحبون الهرج وكذا جت قالت عمتك ليه قاعده عندكم سمعنا انها بتتطلق وخواتي بعد اللي بالديره الفلانيه يقولون نفس الشي عاد انا قلت بسالك عن السالفه تخيلي يعني وين وصلت باللقافه وحب الفضول بس لاني ماحب انا احطها بالوجه وزعل ووجع راس سكتت قلت ماصار شي زوجها مسافر
نبراس✔️ :
عادي ضيفيهم وسويلهم تخصيص كانك مو ضايفتهم بدال الاحراج واحد ياخذ بخاطره منكعادي ضيفيهم وسويلهم تخصيص كانك مو ضايفتهم بدال الاحراج واحد ياخذ بخاطره منك
عطيني سنابك _____
شوقتينا نشوف وجهك الجميل ومغامراتك الحلوة احيانا الزين يحلي المكان الشين والعكس
شوقتينا نشوف وجهك الجميل ومغامراتك الحلوة احيانا الزين يحلي المكان الشين والعكس
الصفحة الأخيرة
واللي تطلب سنابي اقولها مابتستفيدي منه شي لاني مااصور فيه شي ومهجور ايش تبغي فيه ماله داعي ولو كررت طلبها بعد فتره اعيد نفس الكلام لاني حره اعطي اللي ابغى مو غصب اضيف اي احد