السلام عليكم
خواتي العزيزات
اول مرة اكتب هنا يمكن كنت امر اول على مواضيعكم وادعي لكم واحيان ارد
لكن الان انا محتاجه لكم ولجاءت بعدالله لكم ابي رايكم
انا متزوجه من 20 سنه
واوضاعنا الماديه في تدهور ولكن الحمد لله وزوجي العزيز رافض اني اشتغل او اتوظف نهائي ماهي هذي المشكله ....
دائما يقول الى تبينها انا حاضر اوكيه واذا جاء الجد قال ماعندي
بنات انا وحده عندي التزمات عطور مكياج
حتى بودرة جسم ما اقدر اشتري غير الهداياء تعرفون الحريم هاذي والد وهذي بتتزوج وغيره والله خواتي يدفعون عني دائما الاهدايا المواليد انا ادفعها
نفسيتي زفت على الاخر ودموعي بعيوني ........
والله ماادري كيف اكمل لكم
قبل العيد اعطتني اختي الكبيرة 1000 وقالت هذي لك قضي انتي وعيالك والله ماقدرت اسئلها من مين
سكت ورحت قضيت بها اشياء للعيد ويوم العيد ماضحينا مافيه فلوس
مسكني اخوي الي اصغر مني وقال ماضحيتو قلت لا بكرة ان شاء الله وانا اكذب
قال اذا مافيه فلوس اعرف واحديسلفكم وبعدين عطوة قلت خلاص مو مشكله اكلم زوجي ويصير خير
المهم ماسكت كنه حاس اخذني للغرفه وجلست انا وياه قال ليش ماعندكم فلسو بعطيكم وضحو
قلت لا قال الا وجلست ابكي ابكي قال خلاض خذي قلت لا ما ابغى والله ما اقدر اسدها (احنا قبل متسلفين
خلال السنه هذي مبالغ والله ماسديناها )
المهم عطاني مبلغ 1200 وقال هذي من عندي هديه لك ولعيالك وانتي بكيفك تخيلو يوم العيد وانا ابكي
ونفسيتي للحين والله تعبانه
بعد اسبوعين جانا اخو زوجي واخذ زوجي مني 500 وهي اخر شي معي وقلت له ترى عندي زواج ببدايه شهر واحد ومحتاجه كوافيرة قال خلاص ولايهمك اخر الشهر والفلوس عندك
طيب ولا شفت شي
وهذا مو اول مرة دايم ياخذ سلف ولا يردها
يوم جاء الزواج قبلها بيوم قلت له جهزت لي فلوس الكوافير بس ابغى 150 حق الشعر بس مكياج انا اسويه قال من وين لي اسرق قلت لا بس انت عارف لازم اسوي شعري قال ماعندي قلت انت كذا تحرجني مع اخواتي لاني حاجزة معهم ولو ماجيت بيقولون تعالي واحنا ندفع لك وانا خلاص ما عاد اتحمل احد يدفع لي
قال والله ماعندي وانتي عارفه كل شي ايش تبغيني اسوي وماهو لازم تروحين الزواج ومن هذا الكلام الي يرفع الظغط قلت حبيبي انت اخذ فلوسي جبها وانا اتصرف مع نفسي اروح اولا اسوي شعري ولا لا
قال تذليني بفلوسك خلاص اجيبها لك
قلت له جبها ماعندي مانع
وراح وجابها من الصراف اخذتها وسكت من بكرة الزواج وقعد يتلكك وينكدعلى ورفع ظغطي ويقول انا عادي موزعلان فلوسك وانتي حرة فيها (طيب ليش الحركات) والله انك مفقوع .....!!1
المهم قلت لاخواتي خلاص ما ابغى كوافيره نفسيتي زفت وبسوي شعري في البيت
قامت اختي الكبيرة قلت الاتجي علشان خاطري والله ازعل منك ومن ذالكلام وبعدين قلت خلاص خلو احد يجي ياخذني وارسلو لي السواق ورحت لما خلصت دقيت على البيت خلو ابوكم يجي ياخذني الاخ مارضي قال الي وداها يجيبها قلت خلو ولدي الكبير يجي باللموزين مارضي يخليه يطلع تخيلو.....!!
وانا في الشارع وادق قلت لاخواتي خلاص زوجي جاء وطلعت علشان ما انفضح لكن الحمدلله
قام ولدي وطلع من غير ما ابوه يدري وجاء بلمزين واخذني ....تخيلو الموقف الي انا فيه قدام عيالي
وناظر لي ولدي نظرة ...........والله اني كل ما اذكرها ابكي
والاخ سوي مشكله وتكلم كلام قدام عيالي اه ياليت الارض تنشق وتبلعني
وسكت ماقلت شي ....والحين ما اكلمه بس تمنيت اني مارجعت البيت احسه يبغاله تاديب
والله اهانني
واحيان افكر وين اروح مالي احد امي وابوي متوفين
................................
والله اني اكتب وانا بكي
بناتي نظراتهم كلها الم في الزواج كل ما اناظر فيهم القاهم سرحانين ومهمومين
الله يسامحه والله مالهم ذنب
تكفون ردو على بسرعه
انا غلطت علشان طلبت فلوسي
والا غلطت علشان اني ساكته له طول عمري ياخذ ولا اقول له رجع
والله اني بين نارين عيالي ونفسي
يلزم عليك تسجيل الدخول أولًا لكتابة تعليق.
الله يسعدك يارب
اكيد متعود وانا غلطانه
اخذ مني قبل 4سنين 10000 ورثي وقال انه بيحطها في مشروع وبيرجعها لي
وخسر ونسي يعطيني وكل ماقلت له وين الفلوس قال انا وانتي واحد
وقبل سنه قلت له حبيبي انت يوم اخذتها ماقلت احنا واحد قلت سلف قال خلاص بعطيك اياها
وقبل فترة فتح نفس الموضوع وقلت له من جد انت يوم اخذتها وفي بالك تسددها قال يوم قلت لك سلف ما قصدي انه سلف يعني نص ونص
طيب انا كيف افهمه .......؟؟؟
اكيد متعود وانا غلطانه
اخذ مني قبل 4سنين 10000 ورثي وقال انه بيحطها في مشروع وبيرجعها لي
وخسر ونسي يعطيني وكل ماقلت له وين الفلوس قال انا وانتي واحد
وقبل سنه قلت له حبيبي انت يوم اخذتها ماقلت احنا واحد قلت سلف قال خلاص بعطيك اياها
وقبل فترة فتح نفس الموضوع وقلت له من جد انت يوم اخذتها وفي بالك تسددها قال يوم قلت لك سلف ما قصدي انه سلف يعني نص ونص
طيب انا كيف افهمه .......؟؟؟
ا
لله يفرج همك ويسر امرك بس وانا اختك مالك الا الصبر والجئ الى الله بالدعاء واكثري الاستغفار
دعواتك الله يكفر ذنوبي ويحسن خاتمتي يااااااارب
لله يفرج همك ويسر امرك بس وانا اختك مالك الا الصبر والجئ الى الله بالدعاء واكثري الاستغفار
دعواتك الله يكفر ذنوبي ويحسن خاتمتي يااااااارب
بالنسبه لموقفك مو غلط لكن الغلط هو السكوت عنه
وياليت تقنعيه بالوظيفه لانكم بحاجهـ
آجل وش فايدهـ الشهادات اذا ماخدمت اصحابها
وخآصه انه باين حالتكم الماديهـ صعبه حيل
مااقول الا الله يفرج عليكم ويرزقكم من فضلهـ
وعليكم بالاستغفار ,,
مناير 22
•
ماقول غير الله يخلي لك اخوانك ماشاء الله عليهم
ينشد بهم الظهر
يعجبوني الاخوان اللي يهتمون بخواتهم ويسالون عنهم
اما مشكلتك مع زوجك ماعندي خلفيه
ينشد بهم الظهر
يعجبوني الاخوان اللي يهتمون بخواتهم ويسالون عنهم
اما مشكلتك مع زوجك ماعندي خلفيه
الصفحة الأخيرة
واكيد انقهر يوم طلبتي فلوسك لكن طبعا انتي مو غلطانه
وهو ملزوم يصرف عليك وعلى اولاده
لكن نصيحه مجربه ما فيه مثل الاستغفار استغفري كثير وعودي
عيالك وبناتك ع الاستغفار وشوفي كيف حياتك تتغير والصدقه لها اثر كبير
والله يرزقك يارب