ماعترض لكن شي يحز بالنفس

ادري بعضكم بيقول احمدي الله وشوفي غيرك
هالكلام تعبت منه
لكن وش ذنبي انا اشوف غيري اللي مريض واللي فيه وفيه
ليه ماتقولون شوفي اللي اعلى منك؟؟
مشكلتي
مافيني ميزه ع بلاطه
مافيني جمال لاشكل ولا جسم
ولا مستقبل ولا وظيفه ولا اي شي بالحياة
وكل هذا يهون لكن طول طول عمري من كنت طفله
متعقده من شكلي وجسمي وشعري
بتقولون اهتمي
الكلام تعبنا منه اهتم بايش
اذا شعرك خشن ماينفع فيه حتى بروتين؟؟
كلها شهرين ويرجع اخس من قبل
اذا ملامحك مو مقبوله رسمة وجهك
خشمك مو حلو فمك مو حلو كيف تقولون اهتمي
انا مو جالسه ع بنك عشان اروح اسوي وابر وفليز
مره سويت ابر فيلر تكساس
اكلت علي ٤٠٠٠ ولا كاني سويت شي !!
غير الشعر لما اشوي بروتين بالراحه ياخذون علي ٢٨٠٠
طول عمري كنت اتمنى بس نعمة الجمال عادي
عندي انحرم من اي نعمه بس اكون حلوه
يكون شعري ناعم طول عمري تعقدت
خاصه وقت الابتدائي تعبت نفسيا
للحين لما اروح مشغل اشوف شعور البنات
اللي تقص واللي تصبغ اقول وش ذنبي انا شعري كذا؟
ليش الله ماعطاني نفس ماعطاهم
لما اشوف بياض البشره يعني ماشاء الله خواتي احلى مني بكثيررررر لدرجه ماحد يصدق اني اختهم
مدري على مين طالعه!!
صرت مالوم اصلا لما وصلت٣٠ ولا تزوجت من يبيني وانا كذا
واخر همي الزواج صار لان عارفه اني لو تزوجت
مستحيل الزوج يتقبل اللي عاديه
ونتم لاحظو معي اي وحده شكلها عاديه ومو حلوه ومتزوجه
تحصلون زوجها مكسف فيها ولا يعطيها وجه
ويمل منها من اول شهرين زواج
عكس الحلوه يصير للاسف الرجل خروف لها
واللي يقول غير كذا كذاب انا شفت نماذج كثيررررر
من صديقات واقارب نفس هالكلام
يعني انا لو فيني شي مقبول شي ملفت
ماقلت كذا مثلا كثيرر نشوف وحده مافيها جمال
لكن عندها وظيفه او متفوقه بدراستها
او مثلا وحده جسمها شين بس بشرتها ملفته
ملامحها حلوه
او وحده جسمها حلو ومرسوم لكن ملامحها عادي
او شعرها حرير وجسمها عادي
يعني فيه ميز ه انا الاشياء الاساسيه
وعلامات الجمال بكل بنت زي
الشعر
البشره
الجسم
الاسنان كلها زي الزفت ولا شي فيهم يشفع لي
شعري خشن وخفيف بشتري سمرا وجافه وتعبانه
وكلي الوان!!
جسمي اقل اقل من عادي ولا فيني شي ملفت
ملامحي كمان اقل اقل اقل اقل من عاديه
تعبت نفسيا قسم كرهت اطلع مع اهلي
كرهت الناس اللي كل همهم جمال وشكل
كاني انا اللي خالقه نفسي