ماعجبتني الجنوب وش ذا 🤔☹ وين نروح اجل علموني !!!

مساء الخير بنات اخباركم 😘
مستغربين من الموضوع اكيد فعلا وربي ماعجبتني وبس الا طيرت عقلي وش ذا ؟؟!!
شي خيال وربي تجننننن حرفياااااا خيااااااال اتعب وانا اقول جميلة جميلة جميلة 😍❤😍
يابختكم يالجنوبيين فيها من جد شي مره جميل احكيلكم عن ايش ولا ايش !! طبيعة ولا جو ولا ناس ولا راحه نفسيه عجيبه ❤
العام رحنا مكان وهالسنة درنا ع كم مكان هما جنب بعض ورحنا تنومه والنماص ايش احكيلكم بس ؟!! جنة الدنيا وربي 😍
ولا الناس اللي فيها يهبلون مره قابلت في تنومه صديقتي واهلها من ايام الجامعة تزوجت و درست معانا في الرياض عسل وربي هي واهلها ❤
من بعد الظهر تمشيت مع اهلي طلعنا تغدينا في منتزه قريب ومترناها بالسيارة ورجعت اخذت دش وطلعت لصديقتي وتوني راجعه وربي كان يوم ياخذ العقل خورافي مانساه طول عمري 💃💃💃💃💃💃💃💃💃💃💃
ماراح اسئل سؤال تكرر كثير بالمنتدى باشكال كثيره وين رحتوا هالاجازه سافرتوا ولا جالسين ؟؟ بسئل قد سافرتوا مكان وانصدمتوا بروعته كذا او مكان كنتوا تتوقعونه شي عادي وانصدمتوا بجماله !!! احنا قررنا نمدد ويمكن نعيد هنا من كثر ماعجبنا المكان ماتوقعناه كذا 😍
خالي كان ساكن في ابها اول ماتوظف مدرس هو وزوجته وشروا بيت اعجبتهم ونقلوا جده وماباعوا بيتهم وخلوه مصيف وهذا احنا فيه ودائما يقول تعالوا نقول لا بنروح اندونسيا السنه الجايه وكل سنه نقول ومانروح بس بطلنا خلاص👍👌
ملاحظة : ماقابلنا احد عزلنا نفسنا اول ماجينا خوف لا نجيب لهم المرض من الرياض بس كلنا الحمدلله صحتنا ممتازه ❤
( ياليت ماينقلب الموضوع مين افضل قبيلة عشان كذا انا تعمدت ماقول اسماء القبايل )