ماعرفتـــي نتيجـــة مطابقتــــك,,تعالـــي نسهـــر مــع بعـــض ننتــــظر بكـــره

السلام عليكم
تعالوا نواسي بعض..
والله فيني توتر وقلق..
لاني طابقت والى اليوم ماعرفت النتيجه هل تجاوزتها أو لا؟؟
ودوم أتصل على الفروع أما مشغووول أو مايردون..
أكرمكم الله والله بس رايحه جايه على دورات المياه..
أتذكر هذي الحاله كانت تجيني أيام الأختبارات بسبب التوتر...
واليوم أرجعت لي..
أنا خريجة سنه1421 تخصص:آحياء عامه..
ترشحت مع الدفعه الأولى..
وأنا خلقه بالليل مايجيني نوم..
حتى لما أنوم طفليني..
تلاقوني بس مطيره عيوني بالسقف وأفكر..
أجيب القاصي والداني..
وماني عارفه كيف بتمر علي هالساعات الى بكره..
وحده في ردها الله يسعدها تقول نطلع السوق..
واللي مطفرين تعرفون آخر الشهر..
وزوجي يطلع من المغرب..ويرجع الساعه12
أجلس أكلم الجدران..
ماعندي الا هالنت ومتربعه في قسم الواحه التعليميه أطامر وراء هالمواضيع..
وعيالي الله يصلحهم قلق وضغط بس صياح وحنه..
اللي يبي عصير واللي يبي رضاعه..
وغير الشغل وغير وغير وغير..
قمة الضغط..
تتوقعون يفتح الموقع آخر الليل باعتبار أنه يوم جديد,,أو الصباح..
يارب توفقيك..
من نفس حالتي وبتسهر معي..
نتسامر مع بعض نتقهوى ونحلي..ونشرب شاي ونآكل فصفص..
ماتدرون يمكن نكون متعينات في نفس المكاااان..الله قادر ماعلى الخالق شي بعيد..
(أبوك يالتفاؤؤؤل)..ألا والله الخوف يقطع الجوف..أهئ أهئ
بكره رواتب وربوع,,ونزول أسماء يارب يفرحنا بما يسرنا عشان نفلهاااااا