<center>
<FONT FACE="Traditional Arabic" SIZE="5"><FONT
ماعرفتيني؟
نفرتيتي انا اخناتون
امانة ماعرفتيني
انا سقراط وافلاطون
مداين فاضلة فيني
ابن سينا انا القانون
كتابك ليه ناسيني
انا شمس وبعض الكون
يدور بمحور سنيني
انا العاقل انا المجنون
انا الاضداد تكويني
انا ثورة امل مطحون
وضعيف الناس يعنيني
انا انسان لو يدرون
وطين المجد من طيني
انا مابي علي يرضون
لهم دين ولي ديني
على هامان يافرعون
تبي ذبحي بسكيني
اذا ناسي معاي عيون
اشوفك ياامعنيني
قسم مابيع لو يشرون
عشق دمي شرايني
ترى الكرسي مع الماعون
صور وآيات تهديني
لكتاب الله لو يقرون
عطوني نورها عيني
انا هالون انا هالون
منو وده يخاويني
الشاعر:خلف الخطامي الخالدي
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️