ماعرفت اكتب عنوان بس اكيد اقول يالله

السلام عليكم
والله ياحبيباتي جتني قبل اشوي نوبة بكاء
وتجيني تقريبا بالاسبوع ثلاث او اربع مرات
ابكي علشان ارتاح وبما انه ماعندي احد افضفض له فاعبر عن مشاعري بالبكاء والحمدلله ارتاح
طبعا ابكي واتذكر خيانة زوجي لي واتذكر ضرب زوجي لي وكل شيء
وانا اتذكر وحرق قلبي موقف يوم طقني زوجي بالنعال اعزكم الله وجات الضربة على عيني اليمين لدرجة ان عيني حسيت طلع منها ضوء
ومر على السالفه كم شهر واليوم زوجي عينه فيها ضعف والقرنيه تعبانه وسالته اي عين قال اليمين قلت بنفسي يالله ماتضيع مظلوم وسبحان الله عينه اليمين يعني نفس العين اللي طقني فيها

طبعا هذا موقف والموقف الثاني يوم كان يطقني وطبعا يطق بقوة وكنت ساكته وما ارد عليه لان ادري ان تكلمت بيزيد وهو يطق وكنت اترجاه لا تطق خلاص وابكي ومنهاره والله يابنات اني اتذكر موقفي وضعفي وخنقتني العبرة وقمت ابكي المهم وبنفس اللحظة ايده قامت تعوره وراح الطبيب ثاني يوم وطلع فيها خدش وتعوره وربطوها له

واخر موقف يوم اتهمني عند عشيقته وبيتزوجها يوم سالوه اهله عن سبب الزواج قال لهم انه زوجتي ولدت ولد وموتته وعقب ماتزوج عشيقته حملت وطيحت ثلاث مرات والله خلي زوجي عقيم
والحين طلق عشيقته ورجعني وعساه ما يشم ريحة الولد وحسبي الله ونعم الوكيل

بنات انا احب زوجي وزوجي تاب بس مشكلتي مو قادرة انسي خياناته ومو قادره انسى ضربه لي بس استمتع اني اشوفه يتعذب جدامي احس بانتصار كبير

اللي مرت بقهر والله نصرها بنفس اللحظة تذكرها هني وتذكر لنا شنو كانت تقول
لان انا اغلب المواقف كنت ادعي واتحسب عليه