ماعرفت انام من الهم وش اسوي دلوني

السلام عليكم ورحمة الله وبركاته
مالي بالمقدمات وحياتي ملخبطه كثيييير ماعرف وشلون اكتب اللي بداخلي
باحاول اختصر الله بلاني بااخ هم هم هم على قلبي ضرررني كثير اساء لي عشان يرضي زوجته وامها حاول يفرق بيني وبين زوجي هو وزوجته سبب لي احراجات كثييير مع حمولتي وطبعاً زوجته اخسس منه اخلاق لاذمه لاضمير لاخوف من الله ظلمتني اذتني ضرتني طلعت علي كلام الين كبرت الفجوه بين العائلتين وطردتني امها من بيتهم واساوء لي وحرضو زوجي على الطلاق وعرضو عليه عرض يتكفلون بزواجه الثاني والزوجه الجديده كل هذا ماهمني لاني اثق انه لو اجتمعت امة محمد على ا ن يضروك بشي لن يضروك بشي الا كتبه الله لك


همي هو بعد سنوات من الاذى والالم قدر الله ان يفترق اخوي وزوجته وتطلقو بس بقت اثار مشاكلهم بقى ضرررهم ماانتهى ولاراح ينتهي
زوجة اخوي ضرت نفسها وعيالها وزوجها ماكانت الزوجه اللي تكون مع زوجها بفرحه وكربه كانت تبي فلوس باي طريقه مو مهم وضعه ظروفه الين قدر الله وتحمل ديون وانكفل كفالات غارمه كل هذا مو مهم اللي محرجني ومطير النوم من عيوني ان الزوجه تطلقت بعد ماهي انبسطت وضرته وضرتنا وكان زوا جهم فااشل جداً ماجاء منه الا مشاكل ووجع راس وحقد قلوب
هم هذا مو اللي مضايقني اللي مضايقني انه طلع بصوره مقززه والكل يكره كذبه لانه اخذ فلوس بديون واسلاف ماقدر يرجعه للحين


بتقولون وش دخلك ؟؟ ياما ظلمك وضرك لعيونها وبالاخير كبته مثل العظم


اقول اللي مضايقني انه اغلب الديون من الحموله اهل زوجي لهذا انا منضره ضررر عظيم والحين هو ينام بسبارته بالشارع لابيت لاوظيفه لازوجه لاحياة مضايقني ان الاخت فلتها وعاشت اللي تبيه وبعد ماشبعت وعرفت انه لامال ولااهل تطلقت منه




الحين الكل يبي حقوقه مديون بمبالغ صعبه وانا مو عارفه شسوي فكرت تعبت حاولت اطلع بحل بي عشان صورتي صورة عيالي سمعتنا اللي بسبب ضعفه بتروح الكل يتكلم عنه بسوء واكيد خالشي يضرني وام زوجي كل مره تتكلم عند زوجي تذم وتشكى وتطلب م يتزوج بحجة ان نسبنا لايشرف
مع انه كان لها ولبنتها خادم هجر امي وهجرنا واساء لنا علما ان زوجته قبل يتزوجها كانت مطلقه وهي اول زواج له تمسكنت عندي حتى تمكنت م سذاجتي رشحتها زوجه له على انها انسانه عاقله وواعيه ماعرفت انها اكبر منافقه ماكنت اعرف راح تضرني هالكثثر وتسعى ف امر طلاقي






الحين تكفون ساعدوني شلون اقدر اسدد ديونه هو مافيه امل يتحرك صابه مرض الاكتئاب مو مصدق ان خسسر كل شي مايهمني خسارته كثر مايهمني ارجع حقوق الناس لهم تكفون ابي شي اقدر اسويه اتوظف اسدد ديونه اللي مو قادره انام منها والمصيبه بهالزمن ماتسوى شيدام مامعك رصيد وقدره....






انتظر اي حل على امل