ماعرف أزعل أبد أبد وان زعلت مابين ,,,, ميزه وإلا غلط

السلام عليكم ورحمه الله يالغوالي ,,,, بنات مدري وضعي صح أولا ؟؟؟ انا إنسانه ماعرف أزعل نهائي وان زعلت مابين أحاطها بخاطري وأبين ان الوضع عادي تعبت خليت الكل يتجرى علي ،،، اول شي أهلي أهلي الله يسعدهم ساعدوني بدراستي مانكر الله يسعدهم ولي مخلصه دراستي اربع سنوات كل هالمده وأهلي يمنون علي بها الشي أتعبوني وكل ما قالو اشكر فضلهم ( إحنا خليناك تدرسين احنا اللي أخذ أجازه عشان يمسكون عيالك ووووو ) كلام ما ينتهي أبد حتى الوضع تطور صار قدام الناس واقابل الموضوع بابتسامه هاذا الشي الشي الثاني أهلي أحيان يطبخون ويزيد من أكلهم فيرسولنه لي ببيتي هاذا الوضع مسبب لي قلق انا احنا نطبخلك نسويلك وووو مانقصر معاك أسكت أحيان أروح لمناسبات أخلي عيالي عند أهلي وانا طلعتي مره بالسنة يلحقها منه مسكنا هم عشيناهم غيرنا لهم يعني يابنات والله العظيم تعبت لما يسون لي أهلي شي أتضايق ادري بيقعدون سنه وهم ماسكينها علي ويذولوني فيها على أني ماقصر ماروح السوق إلا اذكر أمي وأخواتي بشي مايعجبني شي إلا أجيب لهم زيه اي عزيمته ببيتهم أجيب شغالتي لهم قبل يومين تعاونهم غير أني اعاونهم انا بنفسي يوم العزيمة والأقصر زوجي مايقصر بين فتره وفتره يدخل عليهم فأكهه أغراض خضره يعني مو اكل وامش يدي بالطوفه أبد غير كذا انا عندي إخوان اثنين متزوجين مبتعثين وانا أسبوعياً عند أهلي راحت امي خذت أحسن جناحين بالبيت وخلتها لهم واثثتها من الى وفصلت لها غرف فخمه وقفلتها وهم بالسنة مره يجون وانا كل أربعاء عندهم عطوني غرفه كانت مستودع وجابو لي غرفه نوم متكسرة وحطوها ومليانه أغراض لهم ومقالات شي أبد بالعكس تشكرت منهم كثير على أني حسيت انه غباء مني بس وش أسوي اذا الشي ماجاء منهم ماراح افرضه عليهم غير كذا لما أكون نفاس والله يابنات اني اتعب منهم يمونون علي حتى بفنجال القهوة اللي يصبونه للضيوف وفعلنا وتعبنا والله يا زوجي معبي السيارة مقاضي من الى وشغالتي معي يعني مو مثقله واخدم نفسي بنفسي وولدي يجنني بالصياح ماحد معي ومع ذلك منه وأذى ومع ذلك اتشكر منهم والله يجزاكم خير والكلام الزين ولاعمري جرحت احد فيهم يعني يابنات تعبت والله من أسلوب المنه من اي شي يسونه لي على اني ماطلب منهم شي أبد والله أحاول اضغط على نفسي عشان مادخل ويدي فاضيه لدرجه يتناقشون امي وخواتي أحيان واسألهم عشان أبدى رأيي بالموضوع ما يعجبهم كلامي يقولون خلينا احنا نتناقش على اني الكبيرة ولما أجي ابدي رأيي بشي يتريقون مافيه أخذ وعطاء احترام لا أبد غير كذا صايره امي تعلق علي حتى عند حريم إخواني من باب المزح بس هاذا هز شخصيتي عندهم وفقدت هيبتي يعني يابنات أهلي صح على عيني وراسي بس فيه أشياء كثيره تضايقني منهم وتتعبني صراحه خصوص أهلي لو أبين لهم بشي بسيط يوه انا اللي ماقدر ومايملى عيني شي فأسكت ,,,, اعرف طولت عليكم بس والله متضايقه كثير وحبيت اشكي لكم