ماعرف اتعامل مع الشغاله

آه يبنات ماني عارفه اتعامل مع هاشغاله ارجوكم انصحوني دلوني والله خايفه اظلمها والظلم ظلمات
المهم جاتني قبل شهر وكل اربع خمس ايام تزعل والمصيبه ماترضى اني اوجهها اواعلمها لا الا رايها اللي يمشي ولا تزعل ثلاث ايام وتموت على قعدة التلفزيون وطق الحنك قمت انا لما شفتها زودتها صرت اخصرها ولا اخليها تجلس عند التلفوزيون حقي المهم هي زعلانه ليش تلفزيونه مافيه قنوات غير السعوديه وليش تصحى بدري تسوي الفطور والساعه تسعه تروح تقيل وليش اخذت شنطتها وحطيتها في المستودع علماً انها تنام في مجلس الرجال وعفت فينا ريحة الاسفنيك
المهم اليوم عندنا غسيل وعندت ماتعزل الملابس ومني ومنها الا تقولي ليش انتي ماتجين تسأليني انا اكلت ولا لا, وليش متطبخين كل يوم وليش تحبون الأكل الفلانيوانا يشهد علي الله اني سألتها كم مره وش تبغين اكل نجيبلك وش تحبين وكل مره لا تقول عادي سيم انتم وبعدين تحاسبني ليش ماجبتي لي نيفيا واحنا الثلاجه فاضيه وليش انظف كل يوم وهي ماتنظف الا غرفتين على فكره انا ماعندي اطفال
بنات قولولي اشد معها واخصرها واشيل التلفزيون واصك عليها مظبوط مادري احس انها تختبرني وهل اعطيها شنطتها علماً اني احس فيها دهاء شديد وماني عجبتها وهي اندنوسيه ومن سندا الله لايسامح مكتب العرفج منين مواجه
واللحين قولولي وش السوات معاها