رونق الورده :

انتي طيبه وعلى نياتك عشان كذا ماقدرتي تصيرين خبيثه ومن تحت لتحت بنصحك من قلبي عمرك لا تشكين لزوجك لا من اهله ولا من سلفاتك ولا اي احد خليك صندوق مقفل الزمن هذي الطيب ينوكل ويصير هو الغلط وهم الصح خليك ذكيه لا تدخلين في صراع مباشر معاهم وطنشي التوافه وترفعي عنها

انتي طيبه وعلى نياتك عشان كذا ماقدرتي تصيرين خبيثه ومن تحت لتحت بنصحك من قلبي عمرك لا تشكين لزوجك...

العضوية الراقية :

ما يتقبل تنبيهي على بعض التصرفات لين صارت مشكلة جدا كبيرة ، كنت بجمعة مع اهله و اعرف زين زين انهم قايلين له شي لان نظراته لي كانت مختلفة بس مستحيل يعلمني ، لان عصب علي بلا سبب و فشلني جدا بتقولون وش السبب والله بدون سبب ، بس لاني مارديت عليه جوالي مافيه ارسال ويعرف المنطقة ضعيفة لانها مخيم ، انفجر فيني مرة😭 هنا احس انه انتبه فعلا انهم محرضينه، بس بعد ما فشلني و هددني ، كان انسان ثاني ماعرفه رغم اني اذا ذكرته بالموقف ينكر اي تحريض الحمد لله هذي المشكلة انتهت ، واعرف الدنيا لا تخلو من المشاكل والحمد لله على كل حال

ما يتقبل تنبيهي على بعض التصرفات لين صارت مشكلة جدا كبيرة ، كنت بجمعة مع اهله و اعرف زين زين انهم...

عواطف تركي . :

الفعل الزين مع الوقت ينسي الشين وطالما جات من زوجك انه طلب تعزمينهم قولي له ابشر وتم والبيت بيتهم واعطيه كلمتين حلوين تطيب الخاطر وتجملي فيهم وبإستقبالهم واعملي بأصلك اللي ترضينه عليك وعلى اهلك وحاولي انك تمدحين امه وافعالها الزينه معك قدامه كذلك خواته لما تجي سيرتهم لا تذكرينهم الا بالخير حتى لو مانتي طايقتهم هذا قمة الذكاء وترى زوجك قالها لك بكل صراحه خذيها بالاعتبار ومانتي خسرانه شي وخذي وعد على نفسك مهما حصل قيل وقال بين الحريم لا توصلينه لزوجك ولا تركزين عليه وتجرينه لبيتك وتكبرينه بالعكس طنشي لان محد فيكم غبي يصدق اي كلام وزوجك رجال عاقل مستحيل يضرك او يصدق فيك شي ماشافه فمو مضطره تدافعين عن نفسك عنده وصدقيني ان افعالك وتعاملك واسلوبك هي اللي ترسم صورتك بين الناس وعند زوجك وحتى اذا اهل زوجك سألو عيالك عن خصوصياتكم مالك حق تشتكين عند زوجك او تزعلين منهم واساساً الموضوع ما يستاهل حتى انك تكبرينه وتضخمينه خليهم يسألون عيالك براحتهم اذا ماعندك شي تخافين منه وانتي امسكي عيالك وعلميهم ان البيوت اسرار وان الناس ماتطلع اسرار ماما وبابا برا البيت خاطبيهم حسب مستوى تفكيرهم ولا تنسين انهم اطفال يعني ما يعرفون يكذبون فكوني حذره في كلامك وتصرفاتكم عندهم لانهم ممكن يتكلمون من انفسهم عن اشياء صارت بالبيت بدون لا احد يسأل ونصيحه لا تقارنين نفسك بأهله بأي شكل من الاشكال وحطي نفسك مكانه بتلاقين انك اكثر اريحيه مع اهلك ويمكن ماتخبين عليهم شي لكن زوجك ممكن تخبين عليه بعض الاسرار العائليه لانه مو من حقك تفضحين بأهلك عنده انا اشوف ان الوضع هو مجرد شيطان دخل بينكم تعوذي منه وكوني اكثر نضج في طريقة تفكيرك ونظرتك للامور وفي طريقة تعاملك واسلوبك لانك ممكن بتسرعك وسوء ظنك تضرين نفسك وتنفرين زوجك منك حطي مبدأ حسن الظن قدام عيونك وألتمسي العذر لكل شي والله يوفقك ويسهل امرك ويسخر لك خيرة خلقه يارب

الفعل الزين مع الوقت ينسي الشين وطالما جات من زوجك انه طلب تعزمينهم قولي له ابشر وتم والبيت...

عواطف تركي . :

استغرب الزوجه اللي تشكي لزوجها من اهله وفوقها تبيه ياخذ وضعية الطرطور الرخمه ويدربي راسه ويسكت ! حطي مشاعرك وعواطفك وكرامتك على جنب لان هذا مو مكانها يفترض من الاساس ماتجيبين سيرة اهله قدامه الا بالزين واستري على الشين لانك اكيد طرف فيه ولا تحاولين تقحمين زوجك في سوالفكم انتو يالحريم ومشاكلكم مع بعض لان هو ماله دخل انتي مو طفله وتعرفين تحلين مشاكلك مع الناس بنفسك مو محتاجه زوجك يفزع لك ولا تتوقعين ان في رجال عاقل يقبل ان زوجته تتكلم بالسوء عن اهله حتى لو ان فيهم ويخطيهم ومجرمين بالنهايه هم اهله اللي تربى معاهم وعاش عمره الماضي كله معاهم وثقي تمام الثقه ان اللي مافيه خير لأهله ماراح يكون فيه خير لك تعوذي من الشيطان واخزيه ولا تحاولين تبحثين عن انتصار للذات على حساب اهل زوجك لانك بتكونين الطرف الاضعف انضجي وبتزين امورك

استغرب الزوجه اللي تشكي لزوجها من اهله وفوقها تبيه ياخذ وضعية الطرطور الرخمه ويدربي راسه ويسكت...