ماعرف اسوي الخبز مين تعلمني؟

حبيبتي ايش نوعية الخبز اللي تبغية وأنا اعلمك !
أنا نادراً ما اشتري الخبز من برى
اعمل الأيراني واللبناني والعربي وكل انواع الخبز بس أنتي قولي ايش
تبغي بالضبط وإن شاء الله مانقصر معك يالغالية

ابي كل اللي قلتيهم هو فالاصل ابي العربي بس قولي طرقهم كلهم وبالنهايه ربي يجزاك كل خير عى حسن تعاونك

أسمعي يالقلبي الخبز العربي فية منة الخفيف اللي يجيك زي الرقاق بس طري ! وفية اللي يجيك زي الخبز العراقي ! بقول لك الطريقتين وما أبغى منك غير الدعاء ! الطريقة الأولى للخفيف تجيبي 3 كاسات دقيق دبي او 2 كاسة دقيق أبيض وواحد كاسة دقيق بر وملح حسب الحاجة وتخلطيهم مع بعض وتعجنيهم وتتركيهم مدة نصف ساعة على الأقل بعدين .. يكون عندك صاج حاولت أنزل لك صورتة بس للأسف ايقونة الصور متعطلة ! المهم الصاج الأفضل يكون اللي شكلة مقبب وإذا ماوجدتيه اعمليها على الصاج العادي المسطح نقسمي العجينة إلى كور متوسطة الحجم وتاخذي اول وحدة وتفرديها بالدقيق وبعدين تاخذيها وتحركيها بين يديك ( عشان تتمدد ) ولما تشوفيها صارت رقيقة تضعيها بهدوء على الصاج الحااامي تلاقيها بسرعة تشقرت من تحت تقلبيها على الوجة الآخر وبعد ما تستوي تضعيها على منشفة نظيفة وتغطيها بطرف المنشفة الآخر وتكملي باقي كورات العجينة وبكذا راح يكون عندك خبز عربي جداً لذيذ وطري نقطة مهمة في هالخبز !!! لازم يكون الصاج حااااااار لما تحطي علية الرغيف لانة لو كان مو حار راح ينشف الرغيف ويفقد طراوتة وحلااااوتة !! الخبز العربي النافش ( المنتفخ ) ^_^ نفس العجينة بس نضيف له ملعقة خميرة فورية وبعد مايتخمر تكورية كالسابق ثم تاخذي اول كورة عجين وتفرديها بالشوبك حتى يكون سمكها بحجم 1 سم وتضعيها على الصاج تلاقيها بسرعة انتفخت وبسرعة تقلبيها عالوجة الثاني وتضلي تقلبيها حتى تتشقر وتحطيها بمنشفة نفس طريقة الخبز العربي الرقيق وعليك بالعافية لو حابة طريقة الخبز الإيراني خبريني اكتبها لك حاولت انزل لك الطريقة بالصور لكن للأسف الأيقونة متعطلة !!!

يعطيك العافيه ام ادم

رفع