ماعرف انظم ميزانيتي ووقتي اللى حياتها منظمة تقلط ضروري

مراحب بنات
ماشاءلله صرنا اليوم 14 رمضان بالله كيف الايام تمضي من غير مانحس وكل من اعمارنا
نصيحة اللى ماقرات قران تقرا واللى في بالها شي تدعيه وخلي لسانج رطب بالاستغفار والصلاة على النبي وتصدقي يوميا واربي بتجوفين اثرها بحياتج
ترى يمكن تكونين من عتقاء ربنا من جهنم
ندش بالموضوع
بنات انا موظفة وراتبي اغلبية اصرفه وماعرفت اكيف اصرف ميزانيتي او انظم احتياجاتي
يعني مثلا عجبني لبس اشتريه على طول من غير تردد مع انه الكبت عندي يشتكي من كثر ملابس
عجبني عطر اشتريه مع انه عندي درازن عطور خير الحمدلله يالله من فضلك
عجبني روج اخذه او بودرة او اساس مع انه يكون عندي وللحين ماخلصته ونفس الشي للكريمات ومقشرات وشامبوهات

وخصوصا الحين صرت اشتري كله من النوع الغالي (شامبوهات كريمات مكياج ) وبمجرد اني انزل الجمعية ارجع اشتري وماقدر امسك نفسي
وانا مدمنة عبايات ودايم افصل موديلات من محل راقي لانه عندي قناعه انه خياطته تكون حلوة ونظيفه احسن من رخيص
الله يخليكم اللى عندها حسن تدبير وترتيب المصاريف وميزانيتها تخبرني طريقة
والحمدلله انا دايم اطلع صدقات من راتبي ولم اجوف فقير اعطيه من غير لايسال
ونفس شي لترتيب غرفتي ووقتي يعني كل ماحط هدف بحياتي مااستمر عليه مثلا " خاطري اتتعلم خياطة واقوي لغتي الانجليزية اغير مكان عملي اتعلم فن الديكوباج او اتعلم كروشيه"هذي كلها امنيات لكن مااطبق منها شي ودايم ااجل الموضوع
ياريت تعطوني نصايحكم وخبراتكم لانه العمر يمضي وانا ولا سويت شي