ماعرف شو اسوي .. شور عليــــــــه

السلام عليكم
اشحالكن يا بنات ..،،
الصراحه صارلي مده وانا اتابع هالقسم واقرى المشاكل إلي اتصير ولا في مره فكرت
اني في يوم بيي دوري ويعرض مشكلتي

يمكن الاغلب بيشوفها تافهما ماتستاهل كل هالحجم بس انا تعبت وماعرف اشكلي لمنووووو


بقولكم سالفتي بس قبل ما اقولها كنت اتحرى اني انا الوحيده لي صاير معايه جيه لكن اكتشفن انه في بعض
العضوات نفس حالتي يعني مب بس انا روووووحي



هذا الله يسلمكم تقدم لي واحد وخطبني طبعا مانعرفهم ولايعرفونا
طبعا انا اول ماعرفت انه في حد تقدملي ا صارحت اهلي وقلت لهم مااااااااااا اباااااهـ لكن تمووو يحنون عليه شوفيه قبل وبعدين احكمي
فقلت ماعليه اشوفه وبعدين احكم يمكن يعجبني

وصارت الشوفه والطبعا من الخوف ما دقتت فيه بس لمحته ع السريع وطلعت من كثر ماكنت خايفه >> ماكنت ادري اني جنيت على نفسي طبعا ثاني يوم بعد الشوفه امي قالت لي شو قلتي شو انقول للجماعه انا قلت لها اني مب مقتنعه وعصبت عليه وقالت لي لاااااا كيف فضيحه الولد ياااا لي عدنا وانقوله لا مانباك عيب ومن هالسوالف
واذا رفضتي الولد انا ما لي خص فيييج واذا حد تقدم لج مابدخل ولا شي ولا اتقوليلي فلانه عرست وانا ماعرست
ومن هالكلام


طبعا استخرت كذا مره وماكنت احس بشي ولا احلم بشي .. انا ما انكر اني في البدايه كنت متحمسه لكن بعدها بفتره حسيت اني تسرعت ... واني ما اباه ومب مقتنعه فيه لكن بعد شو بعد ما صارت المجله طبعا نحن ماعدنا
خطوبه نحن عدنا سيده يملجووون
واحس اني غلطت غلطه عمري


الكل مدح الولد وانه اخلاق ومافيه عيب ويصلي لكن اناااااااااااااا مب مقتنعه فيه. حاولت اقنع نفسي فيه لكن يوم عن يوم اشوف العكس
احاول اتجنبه ما اكلمه وااايد اشغلي نفسي عنه باي شي .. مب قادره اصارحه ولا انا قادره اتقبله ... مادري كيف بعيش معاااااااااااااااه باقي حياتي ..
كل يوم اصيح ماحس نفسي عرووووس
والله اني اتزهب من غير نفــــــــــــــــــــــــــــــــس .. مالي نفس للأي شي
مادري كيف لو كنت معاه تحت سقف واحد ماعرف كيف بتكون حياتي

الحين ادبست ما ابى اظلم الولد معـــــــــاي هو ماله ذنب ... بس مب قادره اكمل
ماباقي شي ع العرس


صارت مشاكل في البيت الاني صارحت اهلي اني ما اباه ومب مقتنعه فيه لكنهم خايفين من الفضيحه لي بتصير وكلام الناس
وانا اخاف اخرب على خواتي وغير المشاكل لي بتصير ..


شوروا عليه شو اسوي .. نسيت اقولكم انه من نفس منطقتنا
دخيلكم لا تجرحوني الانه لي فيني كااااااااااافيني

لاتقولولي بعد الزواج بتحبينه انا اعرف نفسي يوم ما اكون مقتنعه في شي مسحيل يتغير ايي فيه
والله تعبانه واحس جني كبرت 100 سنه