الله ييسر عليها أمورها إن شاء الله ...

طيب ما في مجال أبدا إنها تنقل لجامعة ثانية .. أو ترجع تكمل التخصص في جامعة الإمارات أو جامعة زايد مثلاً .. أنا ما أدري إذا هذا أمر مقبول بين الجامعات أو لا .. خليها تسأل ..

ذكريها بالدعاء والتوكل على الله .. فهو الكافي ..

اختي العود المنثور ... مشكووووره على دعوتج .. هي ولو محصله شغل كان فكه عمرها من هالشي وتعرفين يعني ماعندها غير شهاده الثانويه فصعبه تحصل شغل الحين عندنا جامعيات متخرجيين من سنيين وماحصلوووا لهم شغل كيف هي ... الله يستر عليها ويبعد عنها الحرام


اختي سر الكون.. وبعد بعد كاسرة خاطري هالبنت ووودي اساعدها ... تعرفين الجمعيات الخيريه عندنا ما يعطعون الي معاشهم يكون اكثر من 7000 هاي المشكله

الـــ عديل ـــــروح .... بقولج نفس كلام اختي ازهار الربيع ...

يا اخواتي الراتب هذا ليس بكثير بل بالعكس

عندنا غلاء في المعيشة بشكل لا يتصور وكل شهر عن شهر ترتفع الاسعار

من جميع النواحي الاكل والملبس والدراسة والايجارات والبنزين وكل شيء

اذا الواحد يستلم 3500 درهم بالكاد تكفيه اذا لم يكن يدفع ايجار سكن

تكفي لعائلة من اب وام وطفل وااااحد فقط

وهذا الرجل يعيل عائلة من 12 فرد وراتبه 7500 يعني بالتأكيد عنده مشاكل ماليه

ضي القمر ... حبيبتي هالمبلغ يندفع كل كورس يعني كل 3شهور وين ابوها بييب لها لو يقدر كان ما احتاج للمساعده وتحت مسئوليته 12 نفر يصرف عليهم

اختي تاو تاو ..... مشكووورة على الدعوة... والله ييسر امورها يارب

لا حول و لا قوة ااالا بالله...كسرت خاطري و االله ...
الله يفرجها عليها ان شالله
فعلا الراتب ل 12شخص ما يسوي شي عدنا
بس انا مستغربه لييش طلعت من جامعه الامارات ؟؟ و هذي مو بفلوس
يعني مصروف اسبوعي و بس مع الملابس في بداية العام الدراسي
و في بنات موجودات فييها و رواتب اهاليهم اقل من جذا
ما عرف ليش تركت االجامعه؟؟

على العموم خليها تداوم على قراءة سوره الواقعه
يقول الرسول صلى الله عليه و سلم :(من قرأ سورة الواقعه في كل ليله لم تصبه فاقة أبدا)

و الشغل بالنسبه لها صعب اذا الجامعيات مب محصلات فكيف الثانويه؟؟
بس في جمعيات باالبلاد ممكن تساعدها
و الله ييسر لها أمورها
و انا أشوف تحول لجامعة الاماراات اذا في مجال يكون أحسن..

انا عارفه يا اختي
وانا اعرف ان الاجارات بالامارات غاليه اكثر من السعوديه بالالف المرات
بس انتو بالامارات الدوله تساعدكم وتعطي ناس مصروف شهري مو مثلنا احنا
ومع كل هذا الراتب هذا كافي مفروض يكيفون نفسهم على الراتب ولا يطالعون فوق وهم ما يقدرون

الله يعينهم تحاول تآخذ من الجمعيات الخيرية اهل الخير كثير
تآخذ اعانات عالأقل هذي السنة
او تتسلف ولما تتوظف تردها باذن الله