ماعشت طفولتي مثل الناس شي مؤلم

السلام عليكم ورحمه الله وبركاته
مشكلتي اني ماعشت طفولتي اقول لك القصه انا من يوم كان عمري 5سنوات مثل الحلم يعني بين 5او 6سنوات كنا نجي عند جداني اهل امي وبنات خالتي وبنات خالي وعيالهم يعني كنا نجتمع ايام زمان المهم كانو جدي وجدتي مايعاملوني كطفله مثل بنات اولادهم وبنات بنتهم الا يكرهوني كره معا ان امي تقول ان امي تقول اني كنت مؤدبه وانا صغيره يتفلوني تخيلو يتفلون طفله صرت مسخره بين اطفال اقاربي ومره كنا نلعب في الحوش عادي زي الاطفال جدتي جت وسحبت بشعري تخيلو المهم عشت الطفوله كذا يتفلوني ويضربوني ومره امي تخاصمت هي وجدي وجدتي نفذ صبرها كيف يعاملوني كذا وانا طفله كانت طفولتي سيئه جدا جدا وكبرت شوي ودخلت الابتدائي والحمد لله على كل حال خففنا الزيارة عندهم وبعدين يوم دخلت المتوسط امي وابوي انفصلو وامي عندها بيت جنب اهلها دور واحد انا وهي جلسنا فيه وهنا بدا الجرح اللي لايمكن انساه ولا راح انساه مادمت حيه التجريح اهل امي دائما يجرحوني وكمان امي يجرحونها بس انا اكثر وحده يقولون ابوك رماك بوجيهنا انقلعي بيت ابوك مالك شي عندنا وانا مو عندهم في بيت امي وخالتي كمان تقول ابوك شبع منك وجيتي عندنا يامنحطه الله انا منحطه هههههههه والله ماغيركم المنحط والحمد لله اللحين عمري 22ولازلت اكرهم كره العمى ووالله ماسمحهم الين اموت المهم جدي مات اللي كان يتفلني ويسحب بشعري يوم مات ماتحملت على طول قلت الله لايرحمه والى الان وانا ادعي عليه لاني يابنات اعاني ثقتي متحطمه فيني رهاب اجتماعي صرت اكره اسولف مع احد او احتك باحد اخاف يجرحوني بكلام وانا خلاص قلبي كله جروح انجرحت كثير كثير ياناس وكلام يقولونه عني غير اللي قلت لكم لاكن مابغى اطول عليكم رحت طبيب نفسي وقالي حالتك يبغالها علاج اللحين جدي يوم مات كيف يواجه ربي اصلن ماحد ياخذ من هذا الدنيا شي غير الاخلاق والذكرى الحسنه وراح اضل ادعي عليه الين اموت وجدتي نفس الطريقه وخالتي والله لادعي عليهم مادمت حيه وصلوني الى طبيب نفسي اهل امي اللي انا معتبرتنهم اهلي يسوون فيني كذا تعبت وابغى انسا الكلام اللي قالوه عني بس كل ماتذكر ابكي بكاء هستيري قلبي عاف كل شي يابنات ماحد ذاق اللي انا ذقته وعشته ابغى اقولكم نصيحه لوجه الله لاتحطمون الاطفال مهما كان هم اطفال وعاملوهم سوا لان اذا اسأتو للاطفال ماراح ينسونها لكم مو مشكله اذا قلو ادبهم اضربوهم عادي بس لازم تعطونهم حقهم من الطفوله طولت عليكم لاكن احس اني ارتحت يوم فض فضت محتاجه دعاء في ظهر الغيب