ماعـــــــــــــــاد اقدر.... ابي سمـــــــــــــك..

نسيت اقولكم انا ما اقصد الشكل بس لا الطعم طبعا"
جربت مره سمك كنت شاريته على شكله بس احسبه زي السعوديه
والله لايوريكم
تبلته وخليته ساعتين ويوم جيت ابقليه صار يتزلق من يديني كرهت كل ابو سمكهم
وكرهت اني اجرب شي ما اعرفه
غريب والله كان لزج ( ما ادري وش قصته )

ياليت تدلوني على نوعية سمك حلو
وللمعلوميه ياليت بنات كندا يقولون وين احصل سمك ..
وتسلمون لي يالغاليات..

ههههههههه ذكرتيني بحاالتي والله كل جمعه اقول لزوجي ابي سمك

انا في بريطانيا وجربت كذا شي وماعجبني
بس الحمدلله كلها كم اسبووع وقلت لابووي اول شي تغديني سمك شكلي اتوحم ههههههههه

ههههههه انا مو عندك انا باستراليا

بس نفس الحالة كل جمعة كنا نجيب سمك هئ هئ

ودحين كل مااشتري سمك مايطلع زي حقنا اااااااه متى ارجع السعودية واكله

والله حتى انا يا قلبي دورت قبلك لحد ما عجزت وما لقيت الا فيليه اللي مقطع وجاهز باكياس ما اقول غير الله يعز النعمه لاني ما حسيت ان له صله بالسمك اصلا لكن الجود من الموجود

يووه
الحال من بعضه...واليوم جمعه ونفسي هاافه على السمك
مالنا الا نصبر لين نرجع لديارنا