السلام عليكم حوائيات
مثل عنوان الموضوع
عبارات معروفة بيننا
مثل
ماعليك زود
ونعم
وغيرها
وبعض الاوصاف المنتشرة عندنا هينا
الدلخ : وهذاا إنسان غبي جداااا.ويرفع الضغط ....وينرفز وفاغر
المنسم : كل ما مريت عليه تسمع صوت سسسسسسسسس و ذلك راجع إلى
تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس
رأسه في سطل موية عشان يعرف من وين التنسيم .
المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...
الدايخ : من نفس فصيلة المهوي
مقلع : يعني طاير في العجّة وهو ما عنده ما عندي جدتي , يعني بالعربي الفصيح من
جنب العارضة
المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف
عمره و تفاعل معك رد عليك و قالك : هه
الفاغر : هو الشخص الي ما تتكل عليه من هنا الى هناك
العلة : هذا اللي ما تأخذ أنت منه أي شيء و لا عنده استعداد انه يسمع منك مهما
حاولت وهو كالمرض يعلك لين تنفقع مرارتك منه......
المرجوج : هذا ما عمره صلح شيء صح في حياته ما يمديك تفتح فمك إلا و طار في
العجة بدون ما يفهم وش السالفة.
القلق : هو اخو المطفوق ولكن يزيد عليه بأنه مفهي على شوية غباء وأسئلته دايما غثيثه
المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ,, ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....
الصمرقده : هو الي مع الخير يا شقرا ماله رأي الا يقلد الاخرين
الداشر : هذا قليل الأدب وداج
الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول
تلف وتدور يسوي تفسه فاهم
المصرقع : هو كل شخص ما يهمه شيء و اللي يطري على باله بيسويه لأنه ماخذ
الدعوة سعة صدر و هبال ...
المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش....
الخكري : ببساطة الخكري = نعومة + دلع + ليونة والله لايبلانا...
اللزقه: هذا الشخص اللي على طول معك وقدامك ووراك وكل شي وتطلع مع الباب تلقاه
تركب في السياره تلقاه يطق القزازه وهاكذا.
البكاش : أي الكذاب حشاكم واي كلمه في راسه يطلعها ولا يتنباء بأفعاله سواء كانت صح ام خطا
ومنشورة عن اهل الغربية
المروح: هو المتكبر و اللي نفسه شينه وشايف نفسه وطالع بالعجه فوق وما عنده سالفه ومكرووه من الجميع
ملطوووووش +منقول =سرقه محترمه..
Ms.salwa @mssalwa
عضوة نشيطة
هذا الموضوع مغلق.
خليك أول من تشارك برأيها 💁🏻♀️