أقول لكل من فتحت موضوعي وشاركت فيه
موضوعي معروف من العنوان
بتكلم عن الدِّش (( الستلايت ))
وإنتم عارفين إنه شهر المسلسلات جاي
مين زينا ماعندها دِش مريحين نفسنا على الآخر
لاقنوات ولا شي ولا المجد ولا عربسات ولا نايلسات
والله كل من يعرف إنه ماعندنا دِش يقول
(( ياألله مدري كيف عايشين من غير دِش ))
أهوه عايشين زي منتم عايشين
نحن الوحيدين بالحارة اللي ماعندنا دِش تخيلوا مره الناس مستنكرين وضعنا على الآخر
صحيح عندنا ببيت أهلي تلفزيون بس وجوده زي عدمه والله مانفتحة بالأيام لو أتشال
عادي عندنا مو مهم عندنا ذيك الأهميه
بالله يابنات اللي عندهم ذا الصحن اللي فيه جميييع ما لذ وطاب
تقدروا تتخيلو نفسكم من غير دِش من غير مسلسلات من غير تلفزيون ألجأله وقت ما كنت طفشانه وزهقانه..؟؟
مين عايشه زي وضعنا ونحن في نعمة والحمد لله
صح الدِش له فوايد والكل يعرفها وله مضار
وحسب إستخدامة وحسب ضغطة الريموت بس برضه ما يخلى
أقولكم تجربتي مع زوجي والدّش لما كنت متزوجه عسى ربنا ينفع بيها
أنا لما كنت متزوجه ما كنت أعرف الدِش ذا من بيت أهلي
وكان كل مايجيب دِش ويحط القنوات اللي على
كيف كيفه كان هوه يروح العمل من هنا وأنا أخنتس فيه من هنا وأخربه وأكب عليه مويه
وأرجعه زي ماكان ولا كإني:S_45:
والله ذاكله عشان ما أبغى دِش يدخل بيتي
( طبعا مو متعوده عليه ) لامجد ولا قنوات ونحذف قنوات ولا شي كله يجر بعضه يابويه؟؟؟
المهم وكان يجيب جهاز ثاني وكنت أفكر كيف أسوي
ونفس الحركه أفتحه بالمفك مسمار مسمار
وأقطع كم سلك وأرجعه زي ماكان بمساميره وأقوله مدري
إشبه وكان يقول شكله ربنا مو رايد لنا نجيب دِش ببيتنا
وأنا أقوله إيوه يمكن :booo: يقولي شكلك داعيه عليه..
ماكان متوقع عمايلي" إن كيدكن عظيم " :icon32:
وماكنت أخليه يوديه لمحل دشات يصلحه ولا يعرف السبب ؟؟؟
والله يابنات ألين يئس من الدِش ذا
صح تعبت معاه لكن كان يجيب فديو وأشرطه وأفلام
وكنت ما أمنعه على طول كنت عادي أتفرج معاه
بس شوي شوي منعت الأفلام والأشرطه اللي ماتصلح
وبكذا مشي معايا بذا الطريق
الأغاني الموسيقى لأ الأفلام لأ الدِش لأ
بس كنا على القناة الأولى والرياضية ..
طيب كيف كنا نقضي وقت فراغنا
كنا نلعب أي شي نفتح النت على مواقع دينيه أعلمه على الكمبيوتر " ماكان يفهم عليه " أو باصرة أو شطرنج
أو نخرج أي مكان نطلع السطح ونجلس وأشغل شريط ديني ونلعب باصرة " بالله كيف صارت ذي "
بس ( والله كنت بجاهد جهاد عظيم معاه )
بس من دون أمر وإفراض رأيي عليه ..
وفي النهااااااااايه أنا أنتصرت عليه صار
والنعم فيه ماينخاف عليه من أي شي
كنت لما أروح بيت أهلي أخاااف عليه
لايجيب أفلام ولاخرابيط ويتفرج عشاني مو في ..
لكن بعد ما حققت مرادي معاه صرت عادي
أروح وأنا متطمنه تقريبا.. ( الله يذكره بالخير كان طيب )
قر قر قر كلامي كتير صح:blink:
المهم حبيباتي
أنصحكم بس نصيحه صغيروووونه بس قد كده :freak6:
أنصح كل وحده لو حاسة مجرد إحساس إن الدِش هذا مصدر أو سبب لخراب أو إنحراف
أي عضو من أفراد أسرتك في رمضان أو غير رمضان سواءاً بمسلسلات
( كمان المسلسلات هذي الأيام يااااااسلام عليها شي حدِّث ولا حرج تركيه وإغتصابات وحركات والله الواحد يخجل منها حتى بمسلسلاتنا العربيه فيها أشياء
ما يصلح ولدي أخويا أبويا أخواتي يتفرجوها ويتابعوا القصه للأخير
( الله يهدي أمة محمد ياااااااارب) أو أغاني أو قنوات تانية ضارة أنصحك تشيليه وترتاحي
لاتقولي ماأقدر والله تقدري بالحيله والحكمه والإرادة تقدري
ولا تقولي محطيه أرقام سريّه والله الأولاد والبنات معاد هم زي أول ؟؟
والله يفتحوا أطلق كلمة سريّه وكل ممنوع مرغوب ومرغوب والشيطان شاطر؟؟
المهم حبيباتي
كل وحده فينا عندها أمانه حتى نفسك أمانه عندك
مسؤوله عنها
فحافظي عليها وأتقي الله فيها
ولكل وحده أقول أكيد ما حينخاف عليكي أبدا من هذا الدِش لو كان الحذر موجود بس لاتغفلي أبدا ))
أستودعكم الله حبايب ألبي
ودعواتكم لي ربي يرزقني بالزوج الصالح المحب والذرية الصالحه الباااااااااااارة ولكل من تتمنى...
ودمتم بود
أم الوعد :biggrinlo
من جد جاء في وقتة ..قرب رمضان الله يلحقناة على خير يارب
جاء رمضان والمسلسلات جات تجري الله المستعان
انا الحمد لله اتخلصت من الدش نهائي قمت علية انا واولادي بالمطرقة ماخليت فية شي صاحي
الحمد لله انا من زمان كنت بس مخلية القنوات الاسلامية والجزيرة للاطفال
وقدرت اقنع اولادي و وعدتهم بالمجد ان شاء الله
والله راحة نفسية واولادي ماعاد يسئلون عنة خلاص نسوة نهائي
الله يكون في عوني واستمر بالرغم حتى زوجي عاجبتة الفكرة
دعواتكم بصلاح اولادي