ولما جيت اسويه اخر مره اكتشفت ان ماعندي الباي فيلنق
قلت اسوي طريقة الجلي عليه
وخلوني اذكركم في مقاديره
المقادير والطريقه :
الطبقه الاولى
علبة بسكوت الشاي بيتي بور 200 غ
وذوبت اصبع الا ربع زبده 113 غ وخلطتها مع البسكوت
وصفيته زين في القالب المتحرك
ورشيت عليه اشوية ماي حتى مايكون يابس في الفرن
الحين نجي للطبقه الثانيه ....
علبة الا ربع كبيره حليب نستله المحلى
علبة كبيره جبن فيلاديفيا 300 غ
علبة قشطة نستله
خلطتهم مع بعض بالخلاط وصبيتهم على البسكوت ودخلتهم الفرن على نار هاديه 160 درجه وباخر 5 دقايق ولعت على فوق اشوي وخذو مني تقريبا 35 دقيقه
يعني لما تشوفين الخلطه تماسكت زين
نطلعها من الفرن ونسوي خلطة الجلي
كوب الا ربع ماء ساخن (كوب الشاي)
4 او 5 ملاعق جلي فراوله
3 ملاعق مربى فراوله او توت
نذوبهم مع بعض ونحطهم فوق الخليط
وندخلها الثلاجه لما تبرد وتتماسك طبقة الجلي
ممكن تصفين الجلي او تخلين حبيبات المربى فيه مثل ما انا سويته
والنتييييييجه ان الجلي طلع رووووووعه طعمه احلى من الباي فيلينق
بصراحة تغيير عن الباي فيلينق
تسلم دياتك
تحياتي