ماعندك جبنة موزريلا ونفسك في بيتزا تعالي وشوفي

اخواتي العزيزات اليوم سويت بيتزا وماكان عندي جبنة موزريلا فسويتها بطريقتي انا واختي لما مايكون عندنا جبنه وبصراحه انا أشوفها ألذ وأخف من جبنة الموزريلاإلي كلها دهن وبعد ما سويتها قلت ليش ما أنزلها لأخواتي في المنتدى وبصراحه ماأدري اذا الطريقه معروفه ولا لأ لكن الي ماتعرفها يمكن تستفيد منها لكن أطلبكم طلب تدعون لي بالذريه الصالحه عاجلا غير آجل .
طريقتي بعد ما تعجنين العجينه المعتمده عندك وتخمر وتحطينها في صينيه البيتزا وتسوين صلصة البيتزا وتحطينها على الوجه وتوزعين الفلفل الرومي وشرائح البصل............ في إناء صغير تفقسين بيضه وملعقتين جبن سائل وشوي ملح وتخلطينهم مع بعض زين وتوزعينهم بالملعقه على شكل خطوط عشوائيه
أنا المره هذي جاء في بالي احط شوي زعتر مع خلطة البيض وطلع طعمه روعه
جربوها وادعولي
وهذي صورتها