السلام عليكم ورحمة الله .... حيا الله الجميع ..
هذا سلمكم الله قبل فتره كتبت هنا في هالقسم موضوع أبي أفكار لمستودعي بدون رفوف..
والله يجزاكم خير ماقصرتوا ... لكن بعد كذا جتني فكره وقلت أبي أطبقها وإذا صارت
النتيجه حلوه أبي أحطها لكم... والحمد لله النتيجه كانت مرضيه ...
وهذي طريقتي بالصور وبأقل الأسعار >>> صارت دعايه
طبعا مضطره أحط صورة مستودعي قبل ماأرتبه علشان تشوفون أن النتيجه حلللوه..
وترا مستودعي عقب كذا شغاله وكل وحده تجمع لي أشياء ماأدري وش سنعه ...
وبعد العيال بالبيت الله يهديهم كل ماأخذوا شي من المستودع جدعوه عند الباب فصار
شي مو طبيعي وعجزت أتحمله .. طبعا هذي المقدمه علشان ماتتفاجؤن بشكل المستودع
لأني والله فشلانه منه ... يالله هذي صورته قبل التنظيف وأستروا ماواجهتو:09:
طبعا طلعت كل الأشياء اللي فيه لبرا ... وكان منظره كذا قبل الغسل...
وقمت وغسلته بفرشه خشنه وفركته بكلوركس والعملاق.. وهذي فرشتي....
وبعدين مسحته بالماء بالممسحه هذي...
وهذي هي النتيجه ..بعد الغسيل..
وبعد كذا كنت شاريه من محلات البلاستيك سلال كبيره ووسط وهذا شكلهم..
وبديت أعبي بالسلال أغراض المستودع بعد تمسيحها ... وهذي المنظفات ...
يتبع لا أحد يرد...
ولقيت عندي صحون بلاستيك أنواع وأشكال ... أخذتهم وحطيتهم جوا أكياس وحطيتهم في سله بهذا الشكل...
وحطيت أكياس النفايات بسله صغيره وهذي صورته...
طبعا طلعت من مستودعي أكياس مليانه زباله كلها خرابيط مجمعاتها الشغالات اللي كانن عندي ...
وهذا شكل المستودع بعد الترتيب والتنظيف ...
طبعا المستودع لايقارن بالمستودعات اللي فيها رفوف ....
لكن جهد مني وخصوصا أن زوجي من زمان ناوي يجيب رفوف وإلى الحين ماحصل هذا الشي ...يالله أبي رايكم بصراحه...